【限定好去處 迪士尼彼思動畫Fans必到動感主題】

唔好以為，和牛淨係鍾意Peppa Pig，其實佢都好鍾意迪士尼嘅卡通人物。所以趁住假期，我哋就帶咗和牛去到太古城中心影相同埋玩。

為咗配合香港迪士尼樂園「Pixar水花大街派對」，由即日起至7月15日。太古城中心聯同迪士尼。彼思動畫以主題”THE BIG SPLASH” Summer Party，喺商場二樓中橋到，設置咗四大主題遊玩區同埋打卡位，迪士尼。彼思動畫嘅Fans絕對不能錯過呀!!

由眾多迪士尼。彼思動畫人物拼製而成嘅方塊，人物續個捉，你又捉到幾多個??

有動又有靜嘅區，有得玩又可以影相打卡。

《反斗奇兵3》嘅人物，仲化身立體方塊過三關遊戲，俾大家玩同埋影相打卡。

*超窩心，每隻角都貼上防撞保護膠。

全港首次出現嘅創新巨型體感浮床，以泳池造型現身，"THE BIG SPLASH"每一粒英文字母都係軟軟淋，視覺上已經有一種為夏日降溫嘅涼透心感覺!!!

每粒字母同地都係軟墊，好得意呢!!

溫韾嘅父女，喺池到鴛鴦嬉"體感浮床"(哈)。

每節限20人，限時8分鐘。

仲有即將上演續集嘅《超人特工隊》，超能先生爸爸同埋年紀最細嘅積仔。

有超能先生，又點少得佢哋最新配備嘅最新科技電浮車呢?!

色彩繽紛，人氣嘅電影《反轉腦朋友》除咗有影相區，仲有互動色彩方塊，只要企上去，方塊就會亮起唔同色嘅燈。

光影與動，馬上讓小朋友動動筋骨。

除咗有得玩同影相打卡，商場仲有「夏日即抽即中獎」活動，獎品仲好豐富!!!

每星期獎品有迪士尼探索家度假酒店住宿一晚連早餐三位及迪士尼樂園一日入場門券3張、 迪士尼探索家度假酒店住宿一晚、迪士尼樂園一日入場門券、主題商品、迪士尼杯子蛋糕及其他商戶嘅小食及禮券等。

**憑即日電子消費滿HKD1,800，即可參加抽獎乙次。

^迪士尼杯子蛋糕，造型超可愛呀!!

超可愛嘅Minnie Mouse、Duffy同埋Mickey Tiramisu。

現場購買迪士尼樂園「奇妙處處通」年票，而且仲有即場9折優惠！

今個夏天，我哋都馬上要Mark實時間去香港迪士尼樂園玩返餐添呀!!

活動日期: 即日起至7月15日 活動地點: 太古城中心二樓中橋

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos：和牛B的成長日記

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！