黎諾懿抱仔出露台曬太陽 網民叫怕怕 敏之嚇親小心跌咗佢出街

黎諾懿平時都愛在社交平台上與眾網友分享囝囝「小春雞」的日常點滴，而近日天氣好到不得了，有太陽之餘又有陣陣的涼風，十分適合曬太陽，所以，諾懿便做了個驚人的舉動，就係抱「小春雞」出露台曬太陽。

日前，諾懿在社交平台上上載一條影片，片中看到帶著黑超的諾懿抱同樣帶超的「小春雞」在露台，確實有型，諾懿表示：咁好天氣，咁猛太陽做啲乜？梗係兩父子一齊曬太陽啦，你睇吓My Son幾有型，雞仔鍾唔鍾意曬太陽呀？

但最令人感到驚心的是，諾懿抱仔的位置超近露台較矮的欄杆，再上又有風，「小春雞」又四圍郁，睇見都覺得怕怕，就連剛為人母的陳敏之看到後都留言：小心跌咗佢出街呀！而網友亦都紛紛留言要諾懿小心啲，又話「你唔好行咁近，好牙煙囉﹗」﹑「嚇死人咩，嚇到我心離一離。」、「好似好危險呀，小春雞係咁郁﹑動作大，睇見都怕怕。」

Text: Mami Editorial
Photo Source:黎諾懿@Instagram
Video Source:黎諾懿@Instagram