【學整麵包、做孕婦按摩～孕媽咪親身分享懷孕經歷！】

結左婚半年就懷有adam喇! 現在已經踏入孕晚期 (34weeks), 心情一日比一日緊張, 日日都諗應該幾時要執走佬袋呢? 開始上網睇下走佬袋需要帶d咩, 個個都話第一胎會早D生, 唔知係唔係真架呢?#享受孕期按摩
好慶幸我既第一胎都算陀得幾舒服, 無嘗試過嘔吐 (touchwood), 只係晚期既時候成日腰酸背痛, 所以孕婦按摩係非常重要! 我12周之後就開始按摩, 起初以為孕婦唔可以按覺得好灰, 因為本身好鐘意按摩, 但如果由專業人士按摩就放心啦!

#適量做運動
另外最擔心就係會體重增加, 平時WEEKEND有跑下步, 但有BB個陣最好唔好做劇烈運動, 個個都話「食多d啦, 依家食兩個人份量」 但其實呢個概念係錯既, 所以我都無放肆大飲大食, 健康既野好似生果就會食多d,  我亦都有keep住做孕婦pre-natal yoga, 可以減少體重既增加, 筋骨舒服d所以夜晚都訓得好D

#孕期學整包
未有BB之前已經學緊整麵包, 所以有BB既時候都有KEEP住學, 仲覺得有意義! 因為之後可以係屋企整比小朋友食, 大家不妨考慮下呢個興趣! 

#孕期去旅行
因為結完婚無特別去HONEYMOON, 只係去左韓國休息下, 所以今次係5個月個時去左一次大阪京都食野買野, 因為太攰既關係, 係28週之前老公再安排左一趟PHUKET充電暨BABYMOON, 仲搵當地人影左一輯相紀念, 住個間DESIGN HOTEL 實在太正喇! 

#保養心得
之前係BEYONDORGANIC換左天然成份既MAKE UP BASE 同埋洗面奶, 其他化妝品都照用, 最後就係一定要努力揸預防妊娠紋油, 呢個星期天氣開始好乾燥啦! 

Photo from beyorgbeauty

前幾日做FACIAL 個美容師話我D斑深色左, 驚會係荷爾蒙斑, 所以我即刻買左SHISEIDO呢支美白精華, 希望可以控制個色素。

#胸部腫脹
另外一個問題就係懷孕期間胸部會腫脹, 所以換岩自己SIZE 既BRA 好緊要, 但買過出面D MATERNITY BRA又唔係好靚, 最後比我發現到以下呢個牌子既BRA 好靚, 之後仲可以做NURSING BRA, 大家可以試下呀!

希望以上既野可以幫到懷孕中既媽媽,同我一齊繼續加油, 順利誕下寶寶!