【怕BB慣咗用奶樽唔肯埋身食奶？話你知用咩奶樽好同點避免Overfeed】

By 90後P牌媽咪 on 07 Jun 2018

90後Fresh Grad媽媽，畢業不足半年做左媽媽，兒女係上天比我最大既祝福。充滿正能量既我，雖然年紀較細，人生經驗唔多，但懷孕過程中，令我對於育兒、教導亦有多左一番心得。希望藉住文章、Facebook Page帶到更多正面信息比一班同行者，同時記錄我懷孕過程同寶實既一點一滴。

作為一個在職母乳媽媽，返工個陣至少無左4-5次埋身既機會，返工呢段時間都係要用樽餵。一開始真係好擔心BB會食唔慣同食慣左奶樽，甚至唔想埋身。所以揀奶樽一定要揀返摸仿母乳既質感。以前都唔明點解奶樽既設計會係咁，依家終於明白，因為係扮返乳頭既形狀，哈哈。

記得岩岩生完個陣，係醫院既母乳姑娘教我地第日返工揀奶樽，一定要揀d闊身d既奶咀，因為係我地懷孕個陣，乳暈既部分會擴大，令bb更加方便去搵到個乳頭去食奶，因為我懷孕個陣，乳暈都擴大左，所以我搵模仿母乳既奶咀個陣，都比較左好多牌子，揀左個真係闊身、似返我乳房既牌子，我就揀左Tommee Tippee，因為佢個奶咀真係好大，似返我，哈哈。

同時， TT個奶嘴採用左自然感覺的柔軟矽膠製成，等我可以係過渡由母乳埋身餵到奶瓶餵食時更容易，佢個中間彎曲嘅緊湊外形睇落去亦好易俾BB自己拎坐嚟飲，BB如果可以早日識得自己握佳奶樽飲奶咁我就更爽啦，哈！

另外，要留意既係奶樽既排氣功能好唔好，因為用奶樽餵係好易入空氣，令bb會易嘔奶，到時佢又辛苦、自己又要做餐死。我朋友千叮萬囑我買奶樽一定要買有條管既，可以抑制氣泡形成，將空氣直接排至奶樽底部，減少bb吸入空氣既機會。仲有個好神奇既功能，就係可以detect埋溫度，太熱(乳汁溫度高於建議的 37°C)會變粉紅色添，咁我就可以更安心咁用嚟餵奶俾BB！