【零油零鹽 完全無添加 自製健康瘋薯岩晒鐘意食香口野嘅小孩】

平時因為Bella鍾意食香口野，

所以好多時我都煎食物，

不過今次又來眷顧下各位大B小B，

Bella媽請大家食健康版瘋薯，

全部食材簡易蒸，零油零鹽。

另外就係薯條可以比BB自己拎住食，

學下自己點醬，係最佳下午茶。

如果唔想做薯條，咁就改為薯蓉啦，

薯仔本身無味，就咁食阿囡唔多like，

加左三種醬比佢任點，最後佢連醬都食埋，

不過唔怕，D醬本身就係最天然嘅食材，

仲有，唔用薯仔用蕃薯都得嫁。

今次做左三隻醬，點解係呢三款？

因為打開雪櫃就係見到呢堆食材，

左搭右搭又一餐，

媽媽們自己都可以發揮小宇宙整唔同嘅醬。

<BB版健康瘋薯系列>

材料：

無特定份量，想做多少就多少，反正可以親子共食，醬做得多了媽媽也可以用來搽麵包。

薯仔～差不多中指長度，太長會易斷嘅，而且盡量不要用焗薯，因為太粉一拎會易散

蛋～預先烚熟，並將蛋白蛋黃分開

熟透牛油果1/3隻

芝士20克

BB紫菜一片

西蘭花一小朵

免治牛肉少許

配方奶約25～30ml