【BB太乖又愛笑 唔喊唔扭計 新手媽及後驚覺當中弊處】

親戚朋友一定問過所有媽媽”點阿，bb有無成日扭計喊阿？” (其實初生嬰兒係唔識扭計，千奇唔好亂聽人講bb喊唔洗即刻理佢抱佢。其實佢地喊親都一定係表達緊我唔舒服，我肚餓，我屙左阿。絕對唔係人地所講既縱佢，抱慣佢。)

而我一開始既時候都會好自豪同佢地講”我bb唔喊唔扭計嫁”，但慢慢我就開始發現咁既弊處。

.

就係因為波波頭平時屙左瀨左都好似平時咁自己係到玩，或者訓教。所以有時真係要成日摸下佢尿片先知。而有一日，當我朝早好似平時咁幫波波頭換片，發現原來佢已經屙左一大包，但佢完全無喊。仲好開心咁笑，我已經心諗，大獲！點知，我幫佢抹乾淨之後，即刻見到佢已經爛patpat同埋有尿診。真係好內疚點解無定時定候睇下佢。

咁我前後幫波波頭買左3隻patpat膏。

第一支，係韓國brand，係bb婆婆去藥房買既，所以價錢唔清楚。

但我覺得就無咩效果，我係一啲都唔會慳住用係bb身上，我每次換片都係大大pat厚敷。但情況一啲都無改善。

後來，我即刻同朋友求救。佢推介我依家深受媽媽歡迎既”mustela”喱個brand既patpat膏，

我只係幫波波頭搽左一次，已經發覺啲粒粒有謝左既情況。所以話，有時真係買番啲大路野比較有保證。

另外朋友其實有推介另一隻patpat膏比我

但因為我用左mustela已經有改善所以我就仲未試用。但我朋友就話喱隻都好work。

Sudocrem專門幫助舒緩尿疹的產品。經過臨床試驗證明，它能幫助舒緩、治愈和保護嬰兒細嫩的皮膚不受到進一步的傷害。同時亦堪稱神奇的清潔面膜，大人都岩用(有興趣可search下)

.

係colormix就可以買到，而且性價比好高又好用。(但係colormix成日都缺貨，要比啲耐性行多幾間)價錢係mustela既一半有多。$4x就可以買到。卓悦都有，但就$6x。各位媽媽都可以試下用。

.

以上只係個人分享，我bb既膚質亦唔代表所有既bb，所以我都建議各位媽媽可以再參考多啲patpat膏既資料同意見先再去試。另外，如果bb有尿診一定要有暖水幫佢抹patpat，會有效舒緩痕癢，等佢乾先搽patpat膏，有尿診盡量避免用濕紙巾抹patpat.

＝＝＝＝＝＝＝＝＝＝＝＝＝＝＝＝＝＝＝＝＝

Text & Photos : 波波頭mami

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！