【周末放電好去處 打鞦韆兼瀡滑梯 同你玩盡摩士公園八個遊戲區】

【周末放電好去處 打鞦韆兼瀡滑梯 同你玩盡摩士公園八個遊戲區】

爸媽分享 親子玩樂
By和牛B的成長日記 on 19 Apr 2018

天氣好嘅時候,我都會盡量安排戶外活動俾和牛B。 讓和牛B可以吸呼新鮮空氣,曬多啲太陽,吸收維他命D,睇多啲綠色嘢。
今次,我哋嚟到九龍區樂富與黃大仙交界嘅「 摩 士 公 園 」。 呢個地點,如果搭地鐵去黃大仙站又或樂富站落車,都一樣需要步行大約10分鐘,路程亦都差唔多。 摩士公園其實分咗四個部分,有一號、二號、三號及四號。而我哋今次主要係去三號公園玩,因為已經好夠放電了! 三號公園入面嘅兒童遊樂場區域,分成咗八個小區。六個鞦韆八條滑梯,攀爬類嘅遊戲組亦都有唔少。   我哋從鳳舞街近摩士體育館入口進入,途經會見到公廁及小食亭。
而兒童遊樂場附近都有一個公廁,仲有育嬰室。   第一區,適合幼兒滑梯遊戲組,旁途仲有軚盤遊戲及鼓。
  可以作親子互動嘅圓圈板。   唔會太斜或太高,有少少波浪形嘅滑梯。 旁邊仲有訓練小朋友平衡、力量、膽量嘅搖搖遊戲組。 小朋友要靠自己運用力量,將重心轉移,令到搖搖裝置郁動,彈下彈下。 第二區,有一支圓柱體,企上站台,家長在旁幫忙轉動,佢係迷你版嘅氹氹轉遊戲。 旁途仲有三隻搖馬遊戲組。   第三區 - 鞦韆區,鞦韆分咗幼兒款(有個兜型)同一般嘅款式。 幼兒款鞦韆一組有兩個,一般鞦韆有兩組共四個。 準備進入第四區至六區嘅兒童遊樂區了。 呢個區嘅遊戲組適合4歲以上小童,有攀架、斜台板、滑梯三條等。
斜台板附有一條鐵鏈,輔助小朋友登上遊戲區,旁邊仲有條滑梯。   力量型遊戲攀架,和牛B當然未夠力支撐、同未夠高去玩啦~ 另一邊仲有仿石梯嘅膠質樓梯。
淨係樓梯,呢一組遊戲組都有三個款式。 呢到亦都有軚盤遊戲組 滑梯組有三條,最後一組就喺了。 第五區 - 幼兒與兒童嘅遊樂區 八個小區入面,呢個區有兩條滑梯,一條短滑梯,而最高就係呢一條黃色滑梯了。 要上去瀡滑梯,首先要通過體力考驗。 和牛B剛剛夠高、夠力氣,自己爬上去呀。
第六區 - 幼兒遊樂區 此區滑梯組都係比較短同埋設計得比較矮身,所以好適合幼兒遊玩,而滑梯組有兩條。 行過天橋就會見到另一條滑梯。 第七區 - 啟發小朋友音樂天份   此區嘅遊戲同音樂有密切關係,有鼓、有叮叮琴。   第八區 - 搖搖板,呢個款式嘅搖搖板,可以俾4個小朋友玩。 打交叉方式進行遊戲 假日想戶外活動,跑跑跳跳,公園夠大確實好重要。 摩士公園嘅設施,可以話好多又唔算係超多,好少又唔係,市區嚟講呢到活動空間好大。 嚟到呢到,和牛B真係放咗唔少電,同埋好開心。 去完公園玩,仲需要留返啲氣力離開公園呀~ 前往方法: 文中都有提及摩士公園位於樂富與黃大仙中間,如果搭港鐵嘅話兩個站都去得到。 而喺正摩士公園門口落車嘅巴士有: 1/ 11K/ 113/ 7 近摩士公園泳池落嘅巴士: 2F, 3C, 258D, 259D, 268C, 269C, 38, 40, 42C, 89, 80, 89B, 61X, 74A, 75X, 84M *不過落車都需要步行大約5分鐘,但相對比黃大仙港鐵站行過去會近咗少少腳程。

--------------------------------------------------

廣告
廣告

Text & Photos : 和牛媽媽

【誠徵Bloggers!】想分享你的懷孕及育兒日常?請將投稿連同約40字個人簡介和近照一張,電郵到: [email protected],我們會幫你開設個人專欄,文章經編輯部潤飾後更有機會刊登在FB專頁,快點踴躍投稿吧!

🤱🏻 追蹤我們的 Instagram mamidaily.hk 看更多育兒教育資訊
Share to Facebook