父憑子貴換1.5億豪宅 陳小春片價五級跳 Jasper帶旺父母

上年，陳小春帶住囝囝小小春（Jasper）憑內地綜藝節目《爸爸去哪兒5》而人氣急升。兩父子既互動，更深得一眾網民中意，人氣暴漲。藉住節目，陳小春商演價格暴增5倍，工作真係接都接唔完。

近年，陳小春和應采兒重心轉移到內地，接拍不同大陸節目，大屋換豪宅，據說值市價高達港幣1.5億。

據說陳小春2014年受邀請上台灣除夕節目《紅白》，而同台有鄭伊健、謝天華、錢嘉樂及林曉峰，商價大約人民幣30萬元。上年，小春帶著Jasper參加《爸爸去哪兒5》，令小春人氣更高，商演價也暴增5倍。上年年底再度受邀，陳小春開人民幣150萬。

以陳小春宜家經濟狀況，即刻退休都唔成問題！

另外，應采兒上節目被主持人問到，陳小春係麵包定愛情，應采兒一口咬定小春係愛情，而Jasper係麵包。可想而知Jasper吸金能力有幾大！

此外，同樣受節目帶熱既明星家庭仲有杜江、霍思燕既囝囝嗯哼。最近，嗯哼同媽媽一齊上大陸綜藝《媽媽是超人》，而爸爸杜江就開左戲拍緊《紅海行動》。