【亂撳有理？】5歲半小孩繁忙時間玩𨋢掣，竟獲媽媽讚，疑似媽媽投稿澄清：撳多咗在所難免

By wing.wong on 31 Jul 2023

日前，小編曾報道一名小孩亂撳升降機掣（詳情見：小孩玩電梯掣媽媽竟讚賞？大叔鬧爆回擊），經兩度提醒，家長無出言阻止，反而讚小孩的行為，最後一位大叔鬧爆回擊。事件於網絡上引起迴響，網民紛紛批評該名媽媽。意想不到是竟然有後續，疑似該名媽媽投稿到「生仔要考牌系列」專頁，指要澄清當日發生事件。

Photo from 《歡樂頌》劇照

為免大家誤會澄清事件

該名自稱「楊小姐」的媽媽表示因「生仔要考牌系列」專頁轉載帖文，導致有關報道出現。因此「為免大家誤會」她和孩子，希望發文澄清事件，並就孩子「亂撳電梯掣」及對大叔作出回應。

Photo from 《戀愛沙塵暴》劇照

「撳多咗在所難免」

事發時是上班時間，發帖網友於32樓入電梯，媽媽與小孩其後進入，該名網友指，小孩不但亂撳電梯掣，行動一度升級「撳晒佢住嘅單位以下所有層數」。對此，該名媽媽指孩子只有5歲半，她讓小孩自己撳掣的目的是「想訓練bb識禁（撳）left(lift)落樓反（返）屋企」，至於會撳錯其他樓層，媽媽認為：「bb郁動大禁（撳）錯禁（撳）多左（咗）在所難免」，指並小孩並沒有「禁（撳）曬全棟大廈號碼」，並斥責發帖網民：「洗吾洗甘（使唔使咁）反應到公審？搭left(lift)其他街方（坊）都冇出聲話我bb，有d刀（都）直接出left(lift)算數，當時距（佢，指大叔）出聲話我bb亂禁（撳）left(lift)，我同bb刀（都）吾（唔）同距（佢）計較，吾（唔）明點解距（佢）禁（咁）少事刀（都）要擺上網？吾（唔）識包容？」

Photo from MamiDaily

認為大叔「冇禮貌在先」

提到當日出言鬧爆的大叔，該名媽媽認為是大叔「冇禮貌在先」：「距（佢）講粗口講到甘（咁）我點知距（佢）系（係）咪精神病人士？個（嗰）個情況我先會用瘋狗症形容距（佢），減低距（佢）萬一真系（係）精神病而聽到會既受傷機會呢」，並指責專頁及網民：「你地（哋）班人重（仲）要一面到（倒）like佢尼（嚟）罵我，身為生囝（仔）要考牌專業（頁），你地（哋）班人支持系（喺）小朋友面前講粗口，同支持小朋友同家長比人粗口問候，你哋係咪有問題？」