【兒童健康】小朋友唔肯食蔬菜越逼越反抗？　張嘉兒用耐性及創意5招KO揀飲擇食

By Dara on 23 Apr 2023

Deputy Managing Editor

當自己成為父母，才明白父母的喜怒哀樂，以及無私的愛！

很多小朋友都有偏食問題，尤其是不愛吃蔬菜，前港姐張嘉兒都有這個煩惱，不過作為營養學家，她用了5個方法解決女兒揀飲擇食問題，期間父母的耐性和創意十分重要。

Photo from Mama College 張嘉兒@FB

營養學家都要面對女兒偏食

2007年港姐冠軍張嘉兒(Kayi)，於2015年與金融才俊Nathan結婚，先後誕下兩個可愛女兒(大女Leora及細女Hannah)，及後便漸漸淡出娛樂圈。不過她沒有閒下來，一直積極進修，本來已取得英屬哥倫比亞大學營養學系學士學位，之後在香港中文大學修讀公共衞生碩士課程，除了營養學家身份外，她又是正面管教工作坊認證講師。

雖然擁有豐富營養學知識，但Kayi跟其他媽媽一樣，都要面對孩子偏食、不喜歡吃菜的問題。她分享了五個解決方法，讓小朋友慢慢願意吃菜。她說：「我完全明白嘅，叫小朋友食菜係好大嘅挑戰，一般嚟計幼兒最理想係應該每日食1杯菜，但有時真係談何容易，不過唔使太緊張，我嘗試提供五種複合正面管教要求嘅方法，俾大家參考吓，如何讓小朋友哋慢慢願意吃菜，我都仍在努力中。」

Photo from Mama College 張嘉兒@FB

1. 把菜變得有趣和具創意

如果你有時間，將菜類排得齊齊整整，猶如花園主題，甚至可以用曲奇模具將蔬菜切成特別嘅形狀，有好多唔同顏色，呢個方法對某啲小朋友喺Work嘅！讓孩子參與準備和安排食物的過程，也可以讓他們對吃食物更加興奮。

2.將蔬菜偷偷放入孩子最喜歡的飯菜中

如果你識煮嘢食，嘗試將菜類絞碎或用烹調嘅方法，將菜類混合埋佢喜歡嘅食物入邊，例子：我有時會煮牛肉洋蔥飯，佢哋食咗洋蔥都唔知，我亦都有朋友試過將菠菜切碎，放入果蓉入邊，然後再去放入冰箱變雪條。

又例如孩子喜歡吃意粉，你可以用蔬菜泥做醬汁，或者在芝士醬中加入切碎的蔬菜。如果他們喜歡吃薄餅，你可以用蔬菜配料做一個笑臉，甚至做一個椰菜花皮。關鍵是發揮創意，找到將蔬菜混合到小孩最喜歡的食物中的方法。

Photo from Mama College 張嘉兒@FB

3.以身作則

喺佢面前食勁多菜，仲要食到津津有味，當然要真心啲，提供一個開心和正面快樂聚餐嘅體驗，俾佢感受食菜係一種享受。

4.懶人方法

市面上的確係有dried Freeze vegetable 可以購買，當然營養價值會有所變化，鹽分亦可能比住家菜高，所以大家要注意，不過叫做好過冇。

Photo from Mama College 張嘉兒@FB

5.一齊買餸一齊廚

如果小朋友有份參與選擇餸菜嘅過程，甚至做小廚師，可以提高對對食物嘅興趣，或者有想「幫襯自己」嘅感覺，最後每樣食物對幼兒都係嘗試嘅階段，佢哋未肯食嘅話，可以先試吓比佢哋捉摸，或者聞下，有時越迫越反效果，媽媽爸爸們唔好放棄，繼續比佢哋接觸唔同嘅蔬菜，我都用咗好多時間，先至成功氹得點細女，每晚食一嚿西蘭花。