【新手媽一定要聽老一輩講？每個BB既成長路都唔同點解要刻意比較】

Bb係番屋企既第一日已經收到老一輩即電話打黎話”快啲幫bb戒夜奶啊，唔係你自己辛苦”，  “夜晚最後一餐比佢飲飽d”而我就覺得唔需要太刻意，反正bb始終自己湊，我覺得唔辛苦，自己又應付到就ok。其實每個媽媽都有自己一套湊b方法，無話邊個方法一定岩一定得，大家都係靠摸索，靠自己一日一日既經驗累積。有時唔洗太刻意同其他bb比較，始終，最後辛苦既都係媽媽你自己。

^出世第一日1.8kg

^依家2mth23days 4.11kg

而波波頭都無刻意去戒夜奶嫁，佢岩岩出世既時候，每日都好似鬧鐘咁，每隔三個鐘就會自己喊，扭奶飲，無論晏就三點定凌晨三點，總之夠鐘就一定會喊，個段日子真係好考媽媽既意志力。到左兩個月，佢自己慢慢一日一日既成長，突然有一日凌晨無再喊，至此依家夜晚十一點訓就可以訓到第二朝七點先扭奶飲。已經好感恩可以抖抖。

所以話，每個bb都會自己成長，唔洗刻意比較幾時可以做到哩樣，幾時又可以做到個樣。如果你由依家依一刻已經唔可以學識放鬆，咁未來仲有咁長既路，你又可以一直撐，比較到幾時？

Text & Photos : 波波頭mami

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！