download MamiDaily 親子日常 app
【屋企煮飯】阿媽出門去旅行 大女代煮飯家人嫌三嫌四 老豆話餵豬都唔會食 「真係煮到心很累」

【屋企煮飯】阿媽出門去旅行 大女代煮飯家人嫌三嫌四 老豆話餵豬都唔會食 「真係煮到心很累」

mami熱話
By Fanny Hung on 12 Nov 2022
Senior Editor

作為人哋老婆,同一時間又可能是小朋友的媽媽,每天最傷腦筋可能是晚餐應該煮甚麼?日子有功之下,每天晚上的晚餐再難不到她們。不過偶而都想偷懶,假如這個時候有人想幫手煮餐飯給家人食,卻可能不是簡單事。有女網友因為阿媽去旅行無人煮飯,為了家人健康於是落手煮晚餐﹐卻得不到他們的讚賞,還遭到嫌棄,令網友感到很失落。

有女網友為屋企煮飯一事,而感到好委屈。Photo from MamiDaily

阿爸阿妹彈三彈四

該名女網友在網上討論區上發文﹐大呻「原來每日要諗煮咩餸真係好難」,並說以往見到阿媽煮飯,每天都有不同餸菜,基本上每餐都有三餸一湯。不過最近阿媽去了旅行,變相版主要負責每天晚上家人的晚餐,她說收工後還要去買餸已經很累,點知煮完之後,阿爸和阿妹還要「嫌三嫌四」,一時話不想食這個那個,一時又話煮得不夠味。

女網友好心為家人煮飯,但屋企人似乎不太欣賞。Photo from MamiDaily

突然明白阿媽妹辛苦

版主表示「煮畀佢哋食已經好好」,還要那麼多要求,但又不肯自己煮。版主阿爸還說:「攞去餵豬,豬都唔會食!」其實版主自己都有食,自問好好味、正正常常,並說「佢洗唔洗咁講嘢」,家人還說叫外賣仲好!家人的反應令版主很不開心,她坦言不想叫外賣是為家人身體著想,外賣味精多,自己煮又健康又便宜,故忍不住發洩道:「咁辛苦煮畀佢哋食佢地仲咁多野講」,還說突然明白平日阿媽煮飯原來是那麼辛苦。

阿爸形容餵豬也不會食,令女網友好受傷。Photo from MamiDaily

煮飯吃力不討好

其他網友看了版主的遭遇,都說煮飯一事吃力不討好,「咁辛苦自己做咩,叫外賣算啦」、「兩餸飯平靚正使乜搞咁多嘢」、「咁講嘢好過份,你唔好再煮,等佢哋伸個頭出窗口度食風」、「換轉係我,我會買淨兩餸或斬料,蒸蝦蒸魚,自己煲飯加灼菜,唔會難食得去邊」、「建議輪流煮,煮過一次之後, 個啲嫌三嫌四嘅就會收聲」。亦有人說有相同遭遇,不過他並非煮10日8日,是10年8載,並說「去到某個點我真係忍夠了,終於爆咗,同老豆炒大鑊。自此之後無再入過廚房 ,佢自己煮自己食,我樂得清閒,每日仲多咗三四個鐘頭做自己嘢」。

有網友提議應該買外賣,免卻煩惱。Photo from MamiDaily

阿媽地位無可取代

版主也有補充留言,說「等阿媽去完旅行番嚟我就唔會煮」、「洗碗都係我」、「真係煮到心很累」。另外有人指出終於明白平日阿媽的重要性,地位無可取代,提醒版主既然知道阿媽平日辛苦,有機會要幫輕一下。

一句到尾,阿媽地位無可取代。Photo from MamiDaily

延伸閱讀:

【隨時隨地接收更多育兒教育資訊】

📱 立即下載 MamiDaily 親子日常APP

🤱🏻 追蹤我們的 Instagram: mamidaily.hk

🔔 訂閱 MamiDaily 親子日常 Youtube頻道