【家庭教育】父控囡囡突性情大變嫌爸爸無錢又無用　港媽揭心寒真相幫女兒急轉校

By Louisa on 09 Aug 2022

Digital Editor

雖然家庭教育是小朋友價值觀建立的重要因素，但朋輩亦擔當具影響力的角色。有港媽日前在網上發文，稱本來最喜愛爸爸的女兒近日突然態度大變，竟對爸爸毫不關心，更突然嫌棄他無用又無錢，令港媽感到驚訝。一問之下竟發現原來這跟女兒同學的畸形家庭有關，令她心急打算為女兒轉校。

Photo from TVB《寶寶大過天》

女兒性情突變

該名港媽日前在Facebook專頁《生仔要考牌系列》投稿，稱本來最親爸爸的女兒近日突然性情大變，不只對爸爸不聞不問，更開口埋口都罵他「咁冇用㗎」。事源女兒最近要求爸爸買她一部手機，惟港媽和老公商量後，都認為「幾歲人仔唔需要用到手機」，怎料女兒竟大發脾氣，怒斥：「搵呢個爸爸真係好冇用，少少錢都出唔起」。

Photo from TVB《寶寶大過天》

大鬧爸爸無用又無錢

事件沒有就此完結，後來有一次女兒更問媽媽：「日日幫爸爸整飯盒係唔係因為爸爸冇錢？」港媽即解釋是由於爸爸對花生敏感，因此飲食要盡量小心，惟女兒堅持覺得爸爸是無錢、無用。女兒性情大變令港媽感到驚訝，大嘆「點解個女會變成咁，幾歲人仔下下講錢」。

Photo from TVB《寶寶大過天》

跟女兒好朋友有關

於是港媽嘗試心平氣和跟女兒談談，後來發現原來是女兒的好朋友經常分享家事，指她的「爸爸（係我舊同事）搵唔到錢俾佢媽咪，佢媽咪覺得爸爸好冇用，少家用仲早出晚歸，呢啲男人冇用」。港媽聽罷覺得心寒，「點解幾歲人仔會因為朋友講幾句變得咁冷漠」。

約對方媽媽了解事情

由於該朋友仔的媽媽也是港媽的舊同事，因此她很快便約了對方出來打算關心一下。對方言談間確實承認她覺得老公「搵錢少，令佢唔似其他媽媽一樣可以做闊太咁生活」，亦覺得老公只顧工作忽略家庭。後來港媽告知對方其女兒覺得爸爸無用的想法，影響到她的女兒也有同樣想法，不料對方竟說：「咁幾好啊」、「你都唔使咁委屈」。

Photo from TVB《寶寶大過天》

打算為女兒轉校

港媽直指那位媽媽開口埋口都講錢，「可能佢覺得咁樣講好威，但我真係覺得佢好可憐」。事後女兒的好朋友仍繼續分享「佢媽媽嘅偉論」，港媽為免女兒的思想繼續被影響，逐決定為女兒轉校，又表示「真心唔希望小朋友喺一個畸形嘅思想上成長」。

網民勸遠離放負朋友

不少網民看過帖文後，都奉勸港媽要遠離此類「朋友」，「快d遠離呢個所謂的朋友」、「佢朋友一方面話老公搵少錢，一方面又怨佢老公搵錢唔陪佢，超級煩」、「嫌個老公揾得少自己去揾錢吖嘛，如果有本事既話」、「肯為頭家早出晚歸，呢啲男人唔好咩？咁唔尊重個老公，當初做咩要嫁比佢喎」。

Photo from TVB《寶寶大過天》

亦有人批評港媽的應對方法有問題，「幾歲小朋友無咁易因爲朋友幾句就整個價值觀都扭曲晒，不如諗下自己既家庭教育有冇問題先？」、「父母要從佢細個就要灌輸正確價值觀，咁佢先唔會咁易受到動搖。我會同仔講只有爸爸搵錢，我地唔可以亂搭的士亂買野等等，主要係要佢知道應使得使！」、「可以幫老公建立返正面形象，好過斬腳趾避沙蟲」、「可以避到幾多次呢？會唔會教導返自己個女會好啲？」