【無禮貌？】超市排長龍遇手抱童半個鐘不停打招呼 回應多次後不理睬遭港爸賤招報復
相信各位爸媽都會教小朋友見人要打招呼的基本禮貌，不過有網民在街上卻遇上「太有禮貌」的小朋友而感到不知所措。該名網民指自己在超市排隊付款時，排在前方的手抱男童不斷向他「say hello」，最初他友善回覆，惟後來男童不罷休無限「hello」，事主便決定不予理睬。不料卻被男童的父親大鬧無禮貌，駕車離開時更遭到對方「賤招」報復。
Photo from MamiDaily
超市排隊被狂打招呼
該名網民在Facebook專頁「生仔要考牌系列」投稿，稱日前他在假日到超市購物，當天排隊付款的人龍「超長」，當時排在他前面的是一名爸爸抱著兒子。排隊期間男童向他say hello，事主最初有禮貌回應hello。隔了5分鐘後男童再次跟他say hello，他又再次回應。
一個方法望男童停止
在之後的10分鐘，男童不斷重複打招呼令事主感到煩厭，於是他決定「低頭玩手機扮睇唔到」。不料男童見他不理睬，便變本加厲「佢又係咁講：hello, hello, hello」。事主見無視之法行不通，便決定大聲回覆「HELLO，小朋友！」以確保男童的家長和其他人都聽到他有回覆，並希望「佢唔使再同我打招呼」。
Photo from MamiDaily
停車場再遇父子
正當他以為事情會告一段落，隔了5分鐘後男童的打招呼聲又再響起，「我唯有帶埋耳機扮聽唔到，小朋友就係咁hello, hello, hello……hello咗30分鐘，但佢父母係完全無阻止或勸喻」。事主忍耐到完成付款便立即離開，而小朋友亦有由hello變成bye-bye。可是他在前往停車場取車時，又再撞見那對父子，事主直言「嗰啲hello聲仲喺我耳邊係咁傳」。
Photo from 教育電視（ETV）
被責罵「無禮貌」
再次碰面，男童的爸爸竟然出聲指責「小朋友hello又唔應，講bye-bye都唔應，使唔使咁無禮貌啊！？」事主一聽即「眼都突埋」，自覺已多次回覆男童，惟對方像複讀機般不斷重複，心想「唔係個個都要覺得咁樣係可愛㗎，知唔知係好煩㗎啫」。
Photo from MamiDaily
港爸賤招報復好危險
最令事主無奈的是，該名港爸竟用「賤招」報復，他在出車時竟然故意「兜返個圈出嚟」，並在事主的車前急停，所幸事主當時慢駛才沒發生意外。他認為港爸的行為「真係超小學雞」，而且好危險又低EQ。事主覺得對方的做法不只無恥，更罔顧兒子安全，「車住個仔都仲做啲咁嘅嘢，係咪想害死個仔！」
【隨時隨地接收更多育兒教育資訊】
📱 立即下載 MamiDaily 親子日常APP
🤱🏻 追蹤我們的 Instagram: mamidaily.hk
🔔 訂閱 MamiDaily 親子日常 Youtube頻道
