【開學日】一家5口駕車送小朋友上學塞路　職業司機︰又攬又錫移民咩？

每年9月1日都是學生們的大日子，因為他們經歷完悠長暑假終於要重返校園。若子女是首次入學，相信家長定必萬分不捨。不過溫馨送別一幕卻「焫㷫」司機，日前一段錄音在網上瘋傳，一名職業司機分享他在開學日的見聞，有家長駕車送子女上學造成交通擠塞，生動描述加上粗口夾雜相當爆笑。

Photo from MamiDaily

一家五口開學日 胡亂停車致道路阻塞

職業司機在錄音中表示，在9月1日早上見到有一家5口駕車送1個小朋友上學，更胡亂停車阻塞交通，後面汽車不斷響咹之際，一行人仍無視一切又攬又錫講再見。司機氣憤道：「返學咋嘛，咁緊張做咩，成家5、6個一齊送，移民咩？」

他又批評「香港家長真係黐線，都唔知做乜」，他形容當時該名負責駕車的家長是P牌，「一到嗰度就唔理咩線，總之佢要停就停」，然後「頂住後面」。有一名大人先下車，「好似要視察下個環境安全喇，無水氹再睇下個溫度適唔適合落車」，之後再有一名大人落車，第三個才到小朋友。

Photo from MamiDaily

無視阻路送別子女

正當他以為前車已落完客，誰知再有2個大人落車。然後最悲慘的場面便出現了，「道別要拍下個頭，攬到好肉緊咁，差在未出眼淚」，但後邊已形成車龍狂響咹。司機稱因為他的汽車較大，遮擋住前車，所以人們便以為是他塞路。

誰知「後面響咹嗰個做同一樣的動作，又攬又錫」，令他非常不解。司機又稱：「落雨姐又唔係落鏹水，一個小朋友落車要開4把遮」。但悲慘事還未完，他表示放學又會重演一次，「停正喺門口，小朋友出嚟好似坐完十碌八碌咁，你捱完出嚟喇」。

Photo from MamiDaily

不少網民都認為這名司機形容得很精彩，短短分半鐘的錄音彷如親歷其境，大讚「好順耳，是心聲」、「完全係事實」、「九龍塘日常」。也有網民表示為了避開家長車龍，開學日特意早20分鐘出門口上班。各位家長送小朋友上學時，要僅記留意路面狀況，以免阻塞交通啊！

延伸閱讀：
【東京殘奧】車禍截肢輪椅羽毛球手陳浩源奪銅　我唔係神奇小子但佢係我神奇媽媽
延伸閱讀：
【寶寶100天】薛家燕孫仔出世100日濃密髮型成焦點 3個天然妙方幫寶寶頭髮急急長

Text：Mami Editorial