【母親節】女友媽媽母親節正日生日 港男提前一日慶祝 被轟:唔尊重佢呢個未來外母

【母親節】女友媽媽母親節正日生日 港男提前一日慶祝 被轟:唔尊重佢呢個未來外母

mami熱話 親子新聞
By Louisa on 07 May 2022
Digital Editor

母親節是子女們向媽媽表孝心的好時機,不過同時有機會變成自己媽媽和奶奶、外母的爭寵日。正日該跟誰過,經常令一眾子女們非常頭痕。有港男日前在網上大呻,稱女友媽媽今年的生日和母親節為同一天,原本他安排前一日食飯一併慶祝,而母親節正日則陪自己的媽媽,不料安排遭到女友媽媽大罵:「唔尊重佢呢個未來外母」。

女友媽媽撞正母親節正日生日。Photo from TVB《燦爛的外母》

女友媽媽生日撞正母親節

該名港男日前在香港討論區以「女朋友阿媽不滿我要提早同佢慶祝生日+母親節 」為題發文,稱女友媽媽的生日和母親節一向相近,他稱雖然目前未結婚,但「節日野我不嬲都做到好足」。往年的安排都是女友媽媽生日正日慶祝,順便「食埋母親節飯,一直都相安無事」。

提前一日食飯慶祝被鬧唔尊重。Photo from TVB《燦爛的外母》

前一日慶祝被轟唔尊重

可是今年女友媽媽的生日卻撞正母親節正日,因此他一早已跟女朋友夾好,「星期六同佢阿媽食飯,星期日我就自己同我阿媽食飯」。不過女友媽媽對此安排非常不滿,她認為港男應該在生日正日跟她吃飯才算尊重,於是「發脾氣話我冇心同佢食」,又大罵「未結婚就唔尊重佢呢個未來外母。」

港男大嘆大時大節好難做。Photo from TVB《BB來了》

廣告
廣告

慨嘆大時大節好難做

對方的反應令港男大嘆無奈,他有感自己過去多年都好識做,有主動為女友媽媽慶祝生日和母親節,而且自己亦從未叫過女朋友「母親節正日嚟同我阿媽食飯」。他又慨嘆現在未結婚便已為「慶祝母親節父親節呢啲事而煩」,因此他打算將來婚後一定會將兩家人合併一齊吃飯慶祝,「唔好再嘈咩正唔正日」。

網民認為事主婚後有排受。Photo from TVB《燦爛的外母》

網民:將來有排受

帖文一出,不少網民都對事主的處境深表同情,「如果未結婚未來外母都咁野蠻,你就好好諗清楚將來可能更麻煩」、「未結婚已經咁,將來樓主有排受」。也有人表示自己面對相同問題,「之前都係咁,都唔知伯母係緊張生日定係緊張母親節」。同時有網友為了解決這個問題,而避開正日吃飯,「我今年星期六同外母食,星期一同阿媽食,問題解決」。

Text:Mami Editorial
Source:香港討論區

【隨時隨地接收更多育兒教育資訊】

📱 立即下載 MamiDaily 親子日常APP

🤱🏻 追蹤我們的 Instagram: mamidaily.hk

🔔 訂閱 MamiDaily 親子日常 Youtube頻道