【母親節】主持誤問母親節點同媽咪過　姜麗文零尷尬大方回應仲幫對方兜

By Louisa on 06 May 2022

Digital Editor

今個星期日便是母親節，相信不少人都會為此做足準備，借節日向媽媽表孝心。而TVB處境劇集《愛回家之開心速遞》日前亦以「世上只有媽媽好」為主題舉行宣傳活動。電視台派出娛樂新聞台主播賴彥妤採訪，她在跟姜麗文（Lesley）做訪問時，竟追問對方打算如何跟媽咪慶祝母親節，所幸Lesley零尷尬即時回答，做法獲網民讚大方。

Photo from 影片截圖

誤問姜麗文點慶祝母親節

Lesley在奪得無綫台慶頒奬禮的「飛躍進步女藝員」奬後，工作機會不斷，早前更暫別《愛回家》劇組，飛到美國荷里活拍劇，日前完成拍攝回港。最初她在訪問中大談在荷里活拍攝的趣事，又表示對今次難得的機會感到高興。後來主持賴彥妤追問：「就嚟母親節啦你啱啱返香港，有無plan點同媽咪慶祝呢？」

Photo from 影片截圖

姜麗文大方回應

語畢賴彥妤突然一臉惶恐望向攝影師，似乎有同事提醒她不該提出此問題。不過Lesley絲毫沒有尷尬，反而笑笑口大方回答，「我哋屋企傳統係幾搞笑，反而父親節會同媽咪一齊慶祝，因為細個嘅時候，爸爸要飛來飛去做嘢，媽咪基本上係做咗爸爸嘅角色。」

Photo from 姜麗文IG

親自下廚孝敬爸爸

她續指至於母親節就會跟爸爸慶祝，「因為有好幾年爸爸做單親爸爸，咁啱爸爸今年喺香港，所以會喺哥哥屋企煮餐飯畀佢食，而我亦DIY做咗小小禮物畀佢，呢度唔講賣個關子！」對此不少網友留言大鬧賴彥妤不專業，做採訪前未有做足功課導致問出尷尬問題，不過另一方面也有人大讚Lesley表現大方。

Photo from 姜麗文IG

生母於2016年猝逝

事實上Lesley的生母梁盛子在2016年，於加拿大因腦溢血而猝逝終年60歲，據指當年Lesley和哥哥姜文杰都未有前往當地奔喪。父母秦沛和梁盛子其實早已離異，她曾透露母親在她1歲時已離家，對母親沒有記恨亦沒有太大感覺。當年秦沛為了兩兄妹的撫養權而耗盡家財，同時又要應付香港工作經常兩邊飛。因此兩兄妹都十分孝順爸爸，每年母親節Lesley都會在社交平台分享一家合照，非常溫馨。