【生日會】港媽要求好姊妹在家設宴慶祝女兒生日 友人事後感不忿:當我屋企係餐廳?

【生日會】港媽要求好姊妹在家設宴慶祝女兒生日 友人事後感不忿:當我屋企係餐廳?

mami熱話 親子新聞
By Louisa on 05 May 2022
Digital Editor

不少父母都會花盡心思為自己小朋友慶祝生日,藉此表達愛意。不過日前有一名港媽竟要求到好姊妹的家為女兒慶生,更要對方出錢出力佈置、買蛋糕、預備食物。友人「唔知點拒絕」惟有硬著頭皮幫忙,不過港媽一家的態度卻令她相當不忿

事主幫好姊妹的女兒籌辦生日會。Photo from TVB

港媽朋友要求幫忙為女兒慶生

該名友人在《香港討論區》以「你當朋友屋企係餐廳?有人服侍 」為題發文,稱一名港媽朋友早前拜託她「幫佢呀女係我屋企慶生」。事主雖然不太願意,但念著對方是從中學已相識的「好姊妹」,惟有花心機好好預備。生日會當日事主一個人「拎蛋糕買埋嘢、處理埋、煮埋、擺埋上枱」,而港媽一家只需人到就可以。

事主出錢出力預備生日會。Photo from MamiDaily

飯後無人幫手執拾

事主一直默默付出都沒有怨言,不過在「食完到執嘢果時」,港媽一家的態度卻令她很不滿。她形容當時港媽跟女兒只顧在梳化玩,而其丈夫則「坐埋過去」不欲幫忙。而事主和她的母親則默默執拾,由於餐具碗碟眾多,她們要分開多次拿進廚房。

港媽一家完全沒有幫忙收拾。Photo from MamiDaily

廣告
廣告

有感自己像侍應

事主稱最令她難受是港媽的老公「望住我地執,離開枱之前完全無話執下,扮下嘢,佢去左隔離望實」,讓她有感自己似名侍應,甚至要「我媽咪老人家服侍你」。事主在文中怒斥港媽一家「一句多謝都無,真係去咗餐廳食免費餐咁」,又稱自己不介意出錢出力為朋友的女兒慶生,但「大家朋友平起平坐呀,你係咪都要幫下手啦」。

事主對於港媽一家老馮的態度感不滿。Photo from MamiDaily

網民嘲事主被當水魚

這個生日會令事主大感委屈,逐詢問網民「其實係咪我既問題?」帖文一出,不少網民都留言稱事主被當「水魚」也不自知,「你自以為是當佢地係朋友,佢當你係水魚」、「擺明搵你笨,唔喺自己屋企慶祝,要開聲去你屋企」、「邊有人會提出去朋友屋企幫自己個女搞生日會?講出來都唔好意思」、「所謂好姐妹就係食妳呢個心態友情綁架,佢係好姐妹就出去搵地方開生日會請妳哋來啦」。

Text:Mami Editorial
Source:香港討論區

【隨時隨地接收更多育兒教育資訊】

📱 立即下載 MamiDaily 親子日常APP

🤱🏻 追蹤我們的 Instagram: mamidaily.hk

🔔 訂閱 MamiDaily 親子日常 Youtube頻道