【懶人食譜】媽咪教煮 18款適合小朋友口味的住家菜 簡單幾步即能煮出美味營養菜式

各位為孩子三餐費心的媽咪們，是不是常煩惱煮什麼才能讓寶貝吃得健康又開心呢？要兼顧營養、美味還要省時，真的不容易！今天為大家帶來18款住家菜，從增強抵抗力的蔬菜，到孩子最愛的香濃肉類與海鮮，孩子愛吃，爸媽又煮得輕鬆！

1. 餸飯一流！健康南瓜煮蕃茄！

有營養學家指有幾款蔬菜，多食可增強我們免疫防線：黏膜，所以我都馬上煮一煮，簡單快搞掂，好味易餸飯，一家人齊齊提升抵抗力，你都快試試啦！

材料

南瓜斤半 + 硬豆腐兩磚 + 蕃茄3個

健康南瓜煮蕃茄煮餸步驟

1. 所有材料切件

2. 豆腐兩面煎香

3. 爆香南瓜，倒水中火關蓋煮5分鐘

4. 加豆腐蕃茄及鹽，關蓋煮3分鐘

★★★★★★★★★★★★★★★★★★★★★★★★★★★★★★★★★★★★

2. 健康豆腐肉碎，超級簡單煮好餸！

我今次分享懶人豆腐肉碎，我用超正Willowgrove Hill加拿大無激素免治豬肉，我第一次煮就愛上，零調味都有香濃肉味，所以煎一煎搞掂好方便，皓皓超愛，你都快一起煮啦！

材料

加拿大Willowgrove hill無激素免治豬肉 100克
豆腐 一磚
蒜頭蔥適量

步驟

1. 豆腐水滾中火蒸五分鐘熄火

2. 炒香蒜頭，加肉碎炒熟

3. 加少量豉油、鹽、粟粉及蔥煮成茨汁

4. 倒在豆腐上，搞掂

★★★★★★★★★★★★★★★★★★★★★★★★★★★★★★★★★★★★

3. 潮濕天要祛濕！簡單入味蓮藕炆排骨！

小時候我不喜歡吃蓮藕，到長大才知蓮藕對身體很好，特別現在我有濕疹才知道蓮藕對濕疹有幫助，蓮藕含豐富維他命C、鐵鈣鉀質，幫身體排濕氣祛濕，像最近潮濕天就很適合，加上健脾，減少疲累感，覺得身體累累的朋友記得煮蓮藕炆排骨來吃呢！

材料

Willowgrove Hill無激素排骨12兩 + 蓮藕 1斤

蓮藕炆排骨步驟

1. 少量豉油鹽糖醃排骨2小時

2. 蓮藕切件

3. 大火炒排骨3分鐘，拿起備用

4. 大火炒蓮藕，加一碗水關蓋炆10分鐘

5. 開蓋倒入排骨，關蓋炆20分鐘，搞掂

★★★★★★★★★★★★★★★★★★★★★★★★★★★★★★★★★★★★

4. 椰菜包一包就搞掂滋味椰菜豬肉卷

菜煮一煮包一包，就搞掂椰菜豬肉卷啦，每一口滿滿蛋白質，而且我炮製了幾塊小朋友版給皓皓，他不太吃椰菜，不過豬肉卷都能讓他吃上幾口呀，大家快點來試試吧！

材料

Willowgrove Hill omega-3 無激素免治豬肉 200克
紅蘿蔔 少許
椰菜 半個

步驟 

1. 取出椰菜頭，手撕椰菜備用

2. 少量油鹽糖粟粉醃肉碎，備用

3. 中火滾椰菜三分鐘，拿起

4. 紅蘿蔔切粒，加入肉碎混合

5. 椰菜放平，肉碎放面，再捲起

6. 中火水滾，蒸豬肉捲15分鐘

7. 中火，倒少量鹽糖豉油水栗粉，混成醬汁

8. 豬肉捲蒸好，倒入醬汁搞掂

★★★★★★★★★★★★★★★★★★★★★★★★★★★★★★★★★★★★

5. 惹味分享！金菇蘿蔔腩肉卷！

自從認識到Willowgrove Hill Omega 3 Pork HK加拿大無激素豬肉之後，我們現在每個月都會吃它們的豬肉，除了無抗生素無瘦肉精，豬肉當中的Omega-3對於我餵母乳，和皓皓吃都很好，補眼又補腦！今次分享容易做賣相又好的無激素腩肉卷給大家，每口香濃肉味，好吃！

材料

金菇一紮 + 紅蘿蔔半個
無激素腩肉片 300克

步驟

1. 紅蘿蔔切條

2. 腩肉片包好金菇紅蘿蔔

3. 大火水滾蒸十分鐘

4. 蒸完留起肉汁

5. 少量鹽糖豉油蠔油，粟粉及肉汁混合

6. 中火煮煮，倒在卷上，搞掂

★★★★★★★★★★★★★★★★★★★★★★★★★★★★★★★★★★★★

6. 簡單三色炒帶子！

想吃得比較好，又不想太麻煩，今次我在Jou Sun早晨網購高質素食材，並為大家準備咗「三色炒帶子」 ，簡單易做又鮮味！

材料

加拿大急凍帶子 十二粒
加拿大急凍已發刺參 一條
蝦乾 三十隻
西芹 一磅

步驟

1. 蝦乾浸半小時

2. 除帶子，所有材料切件

3. 海參加鹽滾五分鐘，拿起

4. 大火放入全部材料，倒少量鹽及水，關蓋煮兩分鐘

5. 準備芡汁 - 鹽糖豉油生粉水混合

6. 開蓋倒入芡汁炒炒，搞掂！

★★★★★★★★★★★★★★★★★★★★★★★★★★★★★★★★★★★★

7. 媽咪拿手好菜，薯仔炆雞翼！

薯仔炆雞翼相信係每位媽咪既拿手好菜，軟熟薯仔配上超入味雞翼，真係配飯一流！重點係製作超簡單，絕對係各位媽咪省時省工夫的重要菜式，所以一定要重溫重溫呀！！

材料

薯仔 2隻
雞翼 8隻

步驟

1. 薯仔去皮切件，再用水浸過面

2. 雞翼切半備用

3. 中火下油起鑊先輕微炒香薯仔一分鐘拿起

4. 中火下油起鑊先煎香雞翼，每邊一分鐘

5. 倒入薯仔及水，水量到材料一半

6. 放入少量鹽及豉油，關蓋繼續煮15分鐘
7. 可以搞掂上碟啦

小貼士
*步驟1薯仔浸水減少薯仔變黑及澱粉質含量
*步驟2雞翼口感按自己喜歡處理，不切件亦可
*步驟3先炒香薯仔，口感會更鬆化
*大家要先確認進食者對材料無敏感
*食譜只供參考，一切份量大家要自行判斷

★★★★★★★★★★★★★★★★★★★★★★★★★★★★★★★★★★★★

8. 香口粟米煎蝦餅分享！豐富蛋白質及鈣質

懷孕期間我既胃口好差，時間都持續咗好耐，所以一見好轉我就即刻整啲香口嘢食吓，煎個超香口粟米煎蝦餅過口癮！蝦肉營養價值好高，而且可以抗氧化補鐵，所以偶然食吓對身體都好好添！

材料

蝦 1斤
粟米 少許

步驟

1. 去蝦殼及挑蝦腸後洗淨蝦

2. 以刀壓向蝦

3. 再用刀輕力切向蝦肉數下

4. 再倒入兩匙粟粉及少許鹽混合一起
5. 再倒入粟米混合備用

6. 中火下油起鑊煎一分鐘反一反再輕力壓一壓

7. 過一分鐘再返另一邊繼續煎一分鐘搞掂

煮餸小貼士
1. 想簡單方便可以考慮用急凍蝦肉製作
2. 如果有醬汁一同吃會更美味
3. 如果喜歡粟米可以自行放多點
4. 大家要先確認進食者對材料無敏感
5. 食譜只供參考，一切份量大家要自行判斷

★★★★★★★★★★★★★★★★★★★★★★★★★★★★★★★★★★★★

9. 餸飯一流！ 粟米煮龍脷柳！

我平時除咗買三文魚依類比較少骨既魚比皓皓食，有時我會整龍脷柳比佢食，加上用粟米煮就最方便，佢仲會自己乖乖食曬添，今次分享比大家粟米煮龍脷柳！

煮餸材料

急凍龍脷柳 兩塊
粟米湯 一罐

1. 龍脷柳解凍及切件

2. 龍脷柳切件後加少許鹽及粟粉待煎
3. 中火下油起鑊兩邊煎龍脷柳3分鐘後拿起

4. 中火倒入粟米湯及加入半碗水，煮滾後拿起

5. 龍脷柳放碟後倒上粟米湯就搞掂啦

煮餸小貼士
*兩塊3個人唔係好夠食，份量記得再加啲
**大家要先確認進食者對材料無敏感
***食譜只供參考，一切份量大家要自行判斷

★★★★★★★★★★★★★★★★★★★★★★★★★★★★★★★★★★★★

10. 洋蔥豬扒都可以好好食！

洋蔥豬扒重點在於豬扒，我知最近有隻超高質豬肉嚟咗香港，來自JASS Gourmet加拿大農場既Omega 3豬肉，由出世到出售全程絕無添加抗生素同瘦肉精及激素。位於加拿大既農場擁有半世紀嚴謹養豬經驗，佢哋仲自行研發飼料等豬豬直接吸收DHA/EPA Omega 3，所以無論大人小朋友食落就更有營養，而且一食真係一試難忘， 肉質結實加上超濃豬肉味，比起新鮮豬更有豬肉味，以下即刻同大家分享今次既食譜啦！

材料

Omega 3 豬梅肉扒 四塊
洋蔥 半個
蒜頭 少許

步驟

1. 豬梅肉先解凍，以刀背平均拍在豬梅肉上

2. 以少量鹽糖豉油粟粉放雪櫃醃2小時

3. 洋蔥切條狀備用

4. 中火下油起鑊先炒蒜頭再放豬扒每邊煎3分鐘拿起

5. 中火下油起鑊先乾炒洋蔥1分鐘並倒入少量豉油

6. 再倒入豬扒炒3分鐘就搞掂

煮餸小貼士

*大家要先確認進食者對材料無敏感

**食譜只供參考，一切份量大家要自行判斷

★★★★★★★★★★★★★★★★★★★★★★★★★★★★★★★★★★★★

11. 兩款材料煮好入味洋蔥金沙骨！

之前我的入味滷水蛋豆腐及蕃茄豬扒超多人like，今次再分享另一款食譜！入味金沙骨，兩款材料加上簡單烹調就搞掂！

材料

急凍金沙骨 1.5磅
洋蔥 半個

步驟

1. 金沙骨以適量油鹽糖醃2小時並放雪櫃備用

2. 洋蔥切條狀

3. 中火下油起鑊每邊煎金沙骨兩分鐘

4. 倒入水蓋過金沙骨一半，再轉小火關蓋煮35分鐘

5. 開蓋後倒入洋蔥炒三分鐘就搞掂了

煮餸小貼士
*處理步驟4要注意水量，接近乾水就再加熱水煮
**大家要先確認進食者對材料無敏感
***食譜只供參考，一切份量大家要自行判斷

★★★★★★★★★★★★★★★★★★★★★★★★★★★★★★★★★★★★

12. 自家製健康少油素雞扎！

之前我分享過屋企自製健康版雞扎，不過唔少朋友問題我會唔會有素食版，所以今次我諗好用四款材料整入面既餡，食落真係唔錯嫁，配合醬汁加埋蔬菜鮮味，好似我咁平時鍾意食菜既係完全食唔停口，閒時食吓素身體感覺會輕鬆啲舒服啲，所以大家都可以整嚟試吓！！

材料

南瓜 8條
腐皮 8塊
雞髀菇 8條
粟米 8條
金菇 8份

步驟

1. 所有材料切開八份備用

2. 腐皮放底，然後逐樣材料放上去

3. 小心卷好每一份並放碟上

4. 中大火水滾計蒸15分鐘，再倒出碟上多餘水份

5. 慢火煮少量豉油，糖鹽及粟粉混成醬汁

6. 最後倒係面上就搞掂！

煮餸小貼士
*材料加入翠玉瓜都係唔錯既選擇
**大家要先確認進食者對材料無敏感
***食譜只供參考，一切份量大家要自行判斷

★★★★★★★★★★★★★★★★★★★★★★★★★★★★★★★★★★★★

13. 營養滿分！勝瓜洋蔥炒海蝦！

營養十足的菜式，真係一百個都不嫌多呀！！今次的勝瓜洋蔥炒海蝦，海蝦富蛋白質，而富膳食纖維的洋蔥更加是我超愛的超級食物，有助殺菌抗感冒，又有降血糖及血壓功效，更可助消化防便秘，所以我都好鍾意食！！

材料

勝瓜 2條
蝦 10兩
洋蔥 半個

步驟

1. 勝瓜去角及切件，洋蔥切件
2. 海蝦洗淨後脫殼及去蝦腸

3. 中火下油起鑊炒蒜粒，再放勝瓜炒炒再倒入調味

4. 倒半碗水後關蓋煮兩分鐘，加入洋蔥炒炒

5. 最後放海蝦再倒入芡汁炒一分鐘就搞掂了！

煮餸小貼士
1. 大家要先確認進食者對材料無敏感
2. 食譜只供參考，一切份量大家要自行判斷

★★★★★★★★★★★★★★★★★★★★★★★★★★★★★★★★★★★★

14. 鈣質UpUp！魚肉煎豆腐！

魚肉加豆腐，除了煮適合一家老幼的老少平安外，都可以簡單煎魚肉釀豆腐，同樣鈣質Upup呀！

材料

魚肉6兩
硬豆腐 2磚

步驟

1. 硬豆腐平均切好

2. 搽上少量粟粉在豆腐面

3. 把魚肉分別放在面上

4. 下油中火起鑊，魚肉向底，所有豆腐放鍋煎

5. 煎兩分鐘後，再煎另一面兩分鐘

6. 用適量豉油，糖鹽及水倒入鍋，關蓋煮兩分鐘

7. 開蓋後以粟粉及少量水混合作芡汁再倒入鍋

8. 簡單混合後，熄火搞掂

煮餸小貼士

1. 大家要先確認進食者對材料無敏感

2. 食譜只供參考，一切份量大家要自行判斷

★★★★★★★★★★★★★★★★★★★★★★★★★★★★★★★★★★★★

15.在家自製小油版雜錦炒伊面！

唔想晚晚食飯？？今晚炮製就炮製小油版雜錦炒伊面啦，屋企有咩材料岩都可以加入去炒炒，簡簡單單又一餐啦！！

材料

伊麵 4個
草菇 一罐
紅蘿蔔 少許
銀芽 半斤
豬肉絲 4兩

調味

蠔油 適量
豉油 適量
麻油 適量
鹽 適量
胡椒粉 適量

步驟

1. 草菇切半，紅蘿蔔切條

2. 伊麵出水過冷河

3. 紅蘿蔔絲出水一分鐘

4. 芽菜先中火炒一分鐘，拿起備用

5. 下油大火起鑊炒肉絲三分鐘

6. 再倒入紅蘿蔔及草菇炒一分鐘

7. 準備調味再倒入炒，再放入伊麵均勻炒好

8. 最後倒入銀芽炒一會就搞掂了！

煮餸小貼士

1. 大家要先確認進食者對材料無敏感
2. 食譜只供參考，一切份量大家要自行判斷

★★★★★★★★★★★★★★★★★★★★★★★★★★★★★★★★★★★★

16.簡易小煮意X家常簡單版螞蟻上樹

我在Youtube看過很多螞蟻上樹都充滿辣的惹味口感，不過我本身不吃辣，還有筋肉寶寶這小朋友，所以調味上變成清淡版，不過一樣好吃，配飯一流呀！

螞蟻上樹材料

豬肉碎 六兩 粉絲 兩扎 葱及蒜頭 適量

螞蟻上樹調味

豉油鹽糖 適量

螞蟻上樹步驟

1. 先把粉絲浸15分鐘後，再剪一剪開

2. 豬肉碎先簡單調味備用

3. 滾水放粉絲後關蓋滾3分鐘，拿起備用

4. 中火起鑊炒肉碎，炒一會後放入蒜頭一齊炒

5. 炒2分鐘後放適量豉油及水，關蓋煮2分鐘

6. 開蓋後倒入粉絲及調味後再炒2分鐘

7. 最後放入葱炒多一30秒就搞掂啦！

小貼士
*如覺得不夠味道，調味上可加入適量蠔油。
**大家要先確認進食者對材料無敏感。
***食譜只供參考，一切份量大家要自行判斷呀。

★★★★★★★★★★★★★★★★★★★★★★★★★★★★★★★★★★★★

17. 超滋味洋蔥栗子炆雞

上次煲完滋潤素湯後，廚房還有餘下的栗子，所以今次我就用栗子弄個洋蔥栗子炆雞，整個過程最麻煩是切雞，不過大家可以找有切雞服務的超市，那就不用回家自己再弄了！

洋蔥栗子炆雞材料

雞 一隻
栗子 25粒
洋蔥 一個
蒜頭及薑

洋蔥栗子炆雞步驟

1. 先將雞切件

2. 放少許鹽糖，粟粉及豉油醃一小時後處理

3. 準備少量水開始煲，水滾後放栗子繼續煮

4. 三分鐘後栗子拿起去皮，再滾5分鐘備用

5. 洋蔥按自己喜好切好

6. 雞肉醃完畢可以開始煮

7. 先把洋蔥簡單炒一炒，拿起備用

8. 起鑊中火清炒雞1分鐘後放入蒜頭及薑

9. 清炒兩分鐘後再倒栗子及一飯碗栗子水

10. 關蓋煮10分鐘，再開蓋放洋蔥

11. 再關蓋煮2分鐘就搞掂了

小貼士

*栗子滾兩次是想確保吃時不會硬
**炒雞後放蒜頭及薑是想減少材枓受熱後加快變黑
***大家要先確認進食者對材料無敏感。
****食譜只供參考，一切份量大家要自行判斷呀。

★★★★★★★★★★★★★★★★★★★★★★★★★★★★★★★★★★★★

18. 簡單冬瓜煮肉碎

近日可能因為冬天的關係，所以整個人都不太想動，可能是懶了:P 所以最近我亦想找快，簡單，又好味的菜式，盡快搞掂每一餐，今次跟大家分享滋味冬瓜煮肉碎！

冬瓜煮肉碎材料

冬瓜 一斤半
豬肉碎 五兩
蒜頭薑葱 適量

冬瓜煮肉碎步驟

1. 冬瓜去皮切件，放少許鹽在面

2. 中火煲水滾後，放入冬瓜蒸15分鐘

3. 放入蒜頭薑中火起鑊，放肉碎炒熟透

4. 最後放入少量豉油及葱搞混後熄火

5. 先倒走冬瓜碟內多餘的水份

6. 把材料倒在冬瓜上面就搞掂了

小貼士

*大家要先確認進食者對材料無敏感。

**食譜只供參考，一切份量大家要自行判斷呀。