download MamiDaily 親子日常 app
【疫下夫妻】港夫疫下回家忘做一事即被老婆狂鬧 大呻煩到想搬走:唔知以為我出軌

【疫下夫妻】港夫疫下回家忘做一事即被老婆狂鬧 大呻煩到想搬走:唔知以為我出軌

家庭關係 夫妻關係
By Louisa on 15 Mar 2022
Digital Editor

本港疫情嚴峻,為防染疫不少人都小心為上,尤其是外出後回家定要立即徹底清潔消毒,以免將病毒帶回家。一名港夫日前卻在網上大呻,指老婆因為疫情而「煩咗好多」,不時因為衞生問題而對他破口大罵,令他難以忍受,為此他更打算暫時搬出去住避開老婆

人夫在網上大呻最近常被老婆鬧。Photo from TVB《寶寶大過天》

疫下常被老婆「狙擊」

該名港夫跟太太育有子女,他稱自己一時可以在家工作,一時則要回辦公室。然而自第五波疫情爆發後,他指老婆幾乎「日日係度狙擊我」,不滿他出門到走廊食煙,又投訴他「整到廁所好污糟」,或是在老婆洗廁所拖地時去廁所。但事主解釋他只是不想老婆和小朋友吸二手煙才逼不得已出去食,至於去廁所則是生理需要,坦言自己都「控制唔到咁多」。

疫情下老婆變得精神緊張。Photo from TVB《寶寶大過天》

放工回家忘做一事

事主稱每逢他要外出上班的日子,每次回到家中老婆都會第一時間問「洗咗手未、噴咗消毒火酒未、有冇換過口罩」。直至日前,事主從公司下班回家後,不小心忘記了將雙鞋噴消毒火酒,結果「比佢鬧到我好甘」。老婆憤怒的程度令他坦言,「唔知我以為自己出咗軌」。

人夫回家後忘記將鞋子消毒。Photo from MamiDaily

欲暫時搬出避老婆

事主表示明白由於家中有小朋友,所以是有需要小心謹慎,但是「俾老婆嘢嘢都針對住真係好無癮」。他又直言難忍現在這個情況,因此目前正打算暫時「搬一搬出去住算」,既然老婆「咁介意我有機會會播毒比佢」。

網民認為老婆緊張情有可原

疫情下人人自危,不少網民看過帖文都大感共鳴,不過卻不是人人都贊成事主的想法。有人怒斥事主,「個病可以死人㗎,尤其是小朋友。老婆緊張,好正常」、「老實講,咁大個人去廁所整污糟,就應該自己抹返啦」、「畀人話幾句就想搬」、「你唔寫嗰個係老婆,我以為係你工人添。屋企你都有份,老婆做清潔,唔使你幫手,你都唔好整污糟要老婆再做」、「你都講有小朋友樣樣要小心啲,但睇你寫嘅嘢,真係睇唔到你有幾『上心』囉」。

網民認為疫下家中有小朋友,老婆緊張情有可原。Photo from TVB《寶寶大過天》

贊成港夫搬出去住

不過也有人認為疫情嚴峻加上老婆神經緊張,事主暫時搬出也不失為一個好選擇,「搬出去住一排啦!唔使驚傳染,又唔使日見夜見多交嘈」、「女人梗係緊張小朋友喇,如有能力搬出去住就搬喇」。也有人建議事主可向公司申請取消在家工作,如此便能避免跟老婆日對夜對生爭執。

Text:Mami Editorial
Source:香港討論區

【隨時隨地接收更多育兒教育資訊】

📱 立即下載 MamiDaily 親子日常APP

🤱🏻 追蹤我們的 Instagram: mamidaily.hk

🔔 訂閱 MamiDaily 親子日常 Youtube頻道