捐利是錢學習大意義 陳琪：讓孩子學習施比受更有福

每年小朋友收到既利是，大家會點處理？幫佢儲起做學習基金？拎來抵返比左出去既利是？除左上述用法，其實可以用得更有意義。

藝人胡諾言老婆陳琪，今年讓「胡家三寶」希望善用利是錢，學習 [ 施比受更有福 ] 以生命影響生命。

所以，今年胡媽媽有個小主意，希望孩子們可以將部分嘅利是錢捐俾有需要嘅人。大寶二寶聽完一口應承，仲幫細佬揸埋主意，一齊接受媽媽呢一個提議。

佢哋各自抽出其中5封，然後捐去自己喜歡嘅機構。

家姐喜愛小動物，所以捐咗去流浪狗之家。

妹妹想幫非洲嘅小朋友，我就提議佢捐去紅十字會，而細佬就跟住二家姐一齊。

雖然數目唔多，總算係一點小小意，今年我唔會幫佢哋拆利是，反而決定好好幫保存等佢哋大個嘅時候自己開…… 所以我將名同年份寫清楚…… 媽媽呢份心思，希望佢哋長大後明白。

網民大讚，「多謝胡靚媽分享你的做法！我都要學下野^_^」；「學校呢每年都會叫小朋友將利是捐出。等佢地從小就培養出同情心，好事好事」

Text: Mami Editorial

Photo Source:陳琪@Facebook