【公園惡霸】15個月大B女被公園頑童踢落滑梯　小惡霸家長懶理：咁矜貴唔好出街啦

By Louisa on 29 Dec 2021

Digital Editor

小朋友在公園遊玩容易發生推撞爭執，家長應盡責任看管好自己的孩子。有名港媽在網上分享，指日前帶15個月大的女兒到樂園遊玩期間，有男童竟用腳將B女踢落滑梯，港媽在用手阻擋時更不慎被踢傷。其後有另一名家長遇到類似情況向職員投訴，該名小惡霸的家長竟然說：「你個仔咁矜貴，唔好出街啦！」

Photo from MamiDaily

15個月大B女被踢落滑梯

該名港媽在Facebook專頁「生仔要考牌系列」投稿，指日前帶15個月大的女兒到沙田史諾比開心世界，由於女兒年紀小，因此只能玩較簡單的滑梯。港媽憶述當時女兒在滑梯上「坐得比較論盡」，排在後面的男童感到不耐煩，竟然用腳將女兒踢落滑梯。

男童被喝止仍繼續踢

港媽見狀用力擋住並斥責該名男童，豈料對方聽完竟「再踢大力啲」，港媽再次喝止，男童甚至「出手推，再用腳踢，結果我隻手俾佢對鞋踢到流血」。港媽受傷「縮一縮手，佢就直頭用腳踢咗我個女落去」。

Photo from 翻攝自「生仔要考牌系列」

男童家長無影

於是港媽質問男童「小朋友，你媽咪或家長喺邊」，但男童沒有回應，20分鐘過後仍是沒有找到他的家長。直至男童在公園內，踩到另名小朋友的臉，受傷小朋友的家長立即向職員投訴，才終於找到男童的媽媽。

稱公園內弱肉強食

豈料男童媽媽知道兒子弄傷別人後，反應出人意料，她說：「小朋友打交好正常，你個仔咁矜貴，唔好出街啦」。受傷小朋友的家長指出男童到處傷害其他人，要求媽媽出手處理，然而男童媽媽繼續懶理，「呢個社會係咁㗎啦，弱肉強食，你個小朋友就係太保護了！」

Photo from MamiDaily

家長懶理繼續玩手機

所幸職員企硬，要求家長看管好同行小朋友，並要她「確保唔會影響到其他使用者，否則請你同小朋友離開」。不過男童媽媽仍無理取鬧，嚷著「我咪喺度睇緊囉，你邊隻眼見到我無睇」。最終男童繼續到處欺負人，唯有靠職員離遠看管，而「佢阿媽就繼續玩電話」。

男童媽媽的行為令港媽感無奈，認為「想玩電話不如帶埋小朋友返屋企玩個飽啦」。她又表示自己雖在事件中只受輕傷，事件輕微，但她認為傷人就是不對。文末她向涉事家長喊話，「如果你知我講緊你個仔，唔該你下次整到人，最起碼講句『對唔住』」。

Photo from MamiDaily

網民同意該公園秩序混亂

帖文一出引起熱議，有網民認為這個樂園的秩序一向混亂，「咁多年嚟，我都係用好混亂嚟形容呢個公園。不過最近果次去，我直情同朋友講，呢個係我咁多年去過最恐怖嘅公園，去得就要有心理準備」、「呢個公園係好得人驚」、「入面啲人好多都無性架！我仔三歲第一次去，之後幾年都唔帶佢再去喇！」、「呢個公園第一次帶小朋友入，10分鐘都冇已經想出嚟，之後都冇再入過去」。