【看管孩子】港女遊迪士尼遭後座小朋友扯頭髮　家長只顧玩手機懶理

作為家長就有責任看管好同行的小朋友。近日有女網民在討論區發文，表示早前跟朋友到迪士尼樂園遊玩，在乘坐「小小世界」期間，遭到船上後座2名小朋友扯頭髮，惟他們的家長卻只顧玩電話，懶理小朋友騷擾別人，令事主怒斥港媽「帶得啲小朋友出街玩就睇實佢哋啦」。

Photo from 香港迪士尼樂園

事主玩「小小世界」當休息

該名女網民在香港討論區發文，分享日前放假跟朋友到迪士尼遊玩的不愉快經歷。她指由於臨近聖誕節，園內有不少家長和小朋友。她和朋友感到疲累，於是到「小小世界」遊玩，想著「坐下船打算抖下」。當時她和朋友坐一行，而後面就是2個小朋友加1個媽媽。

Photo from 香港迪士尼樂園

遭後座小朋友扯頭髮

她表示剛坐下來時都「好哋哋」，以為「一個媽媽拖兩個小朋友啲小朋友都咁乖真係好難得」。豈料在船隻出發不久後，兩位小朋友開始嘈吵地玩耍，之後事主「feel到有嘢扯住啲頭髮，初初諗住係啲頭髮攝咗入件衫到扯到」，誰知發現「原來係後面個兩個小朋友係度扯我啲頭髮！」

Photo from MamiDaily

家長只顧玩電話懶理小朋友

事主於是轉身看向家長，只見對方正在專注玩電話，完全沒有打算管教的意圖，不過見小朋友收手便作罷。可是在沒隔多久，2個小朋友「又抆過，仲要抆埋我朋友啲頭髮」。事主在忍無可忍的情況下，終出聲著小朋友停手，可是媽媽見狀「只係望一望我地之後同兩個小朋友講：唔好搞人哋啦。」

事主對於家長態度感無奈

家長的態度令事主非常憤怒，同行朋友亦禁不住當面提醒她「睇住佢兩個小朋友，唔好再比佢哋騷擾其他人」。事主認為那名港媽「帶得佢哋出街玩就好心唔好掛住玩電話啦，咁鍾意玩電話點解唔返屋企玩呀？」又感嘆「唔該啲家長啦，帶得啲小朋友出街玩就睇實佢哋啦！」

Photo from MamiDaily

事件引起網民討論，有人認為事主「去得小朋友世界玩係咁上下啦」。不過也有人同意的確有很多這種不負責任的父母，「真係好似當放狗咁」、「大把家長唔理，由小朋友亂咁撞。自己玩手機，由得細路放飛自我」。

延伸閱讀：
【遊輪意外】小朋友遊輪泳池跌倒下巴縫4針　隱藏服務還愉快旅程獲港媽激讚
延伸閱讀：
【投訴文化】小霸王唔肯食未切豬扒飯　命令託管姐姐「要唔要我教你做嘢？」

Text：Mami Editorial
Source：香港討論區