【家庭暴力】個女飲啖水都鬧！網友喻報警：唔想佢成為下一個臨臨

mami熱話親子新聞

By edwin.yeung on 22 Nov 2021

Digital Editor

每個家長教導子女都有自己一套，確實沒有對錯之分，重要的是孩子是否受落，將來是否成材。不過近日有人在Facebook專頁「生仔要考牌系列」開帖，表示自己每日都聽到鄰居打罵孩子，自己聽到小孩的哭聲都十分心痛，引發大批網民留言。

Photo from MamiDaily

新鄰居日以繼夜鬧仔女

該名叫「隔離鄰舍」的網民表示，自己最近與一個四人家庭成為鄰居，「隔離屋嘅媽媽應該都係全職媽媽，因為我每一日都會聽到佢好大聲咁鬧個女，有時甚至打，之後個女就會開始尖叫同大喊」。

該網民表示，別人管教子女原本與自己無關，但情況仍然持續時，她便覺得不妥。

Photo from MamiDaily

「我聽到阿媽鬧個女嘅說話都幾難聽，試過聽見佢鬧個女係『食屎狗』，又聽過佢鬧個女『你飲咩水呀？邊個俾你飲水呀？』」。

不止飲水要鬧，接着便傳來打罵聲及女童大哭的聲音。

連丈夫亦一樣「癲」

網民表示，最慘連她的老公亦一樣「癲」，「噚晚我聽到個老竇大聲鬧個仔『你冇X用㗎』，之後就聽到個仔不停重覆大嗌『唔好再打喇，好痛呀』」。

最後網友慨嘆，小朋友即使頑皮，但訴諸暴力只會成為惡性循環，「日日咁打法，我好擔心有日佢哋家暴會搞出人命」。

Photo from MamiDaily

網友口誅筆伐

事件一出，網友排山倒海地要求報警懲治該對夫婦。

「請你錄低聲音再報警，可以的話，留意埋小朋友係讀邊間學校」、「暫時得你至可以幫個小朋友！幫人嘅事快快做，唔好顧慮太多，功德無量」、「報警喇，我唔想再見到有小朋友不幸新聞」、「錄低啲聲，跟住報警」、「報警，有事真係會後悔內疚㗎」、「做乜唔報警呀？睇字都心痛，更何況日日聽住！唔好再有臨臨一案再發生啦」。