【親子好去處】期間限定貓咪海濱+偽鳥居隧道

搬咗之後，每日望住個海景，理應心曠神怡... ...但每日都搭車搭最少8轉(4次shuttle bus+4次港鐵)，要帶阿囡跳舞嘅話，我仲要搭多4轉，即係12轉車。是我幻想太多，誤以為每天可以望住個海歎早餐... ...結果每天好忙，日日做家務，但間屋仲係亂到七彩，冇得歎早餐，更加唔得閒去望，唯有假期外出走走。但「荒島」有荒島嘅好處，一樣可以發掘 香港的美 。今次我哋散步去貓咪海濱長廊。平日搭車經過，囡囡次次都話要去，今次終於去到。全部都係可愛嘅癲噹貓咪，有好多個 打卡位 。

荃灣西港鐵站方向入口有一張尋寶地圖，

跟住地圖尋打卡位。

其中較為特別嘅:

~彩色旋轉椅~又可轉又可打卡

~巨形貓爪

~貓巴士~有得揸車又有得響鈴，小朋友好鍾意

~貓拼圖~可以轉板幫貓咪換衫換鞋

~貓魚人~依個真係好神秘，唔係咁易發現

請留意癲噹係 期間限定 架 !

聽聞去到10月11日咋~

而且海傍仲有芒草 ，我覺得點影都咁靚。

但豬隊友幫我避開哂d 芒草嚟影，

反而仔仔幫我哋影咗張唔錯嘅相。

海濱往深井嘅方向仲會見到 港版鳥居 ，

雖然係行車隧道，

但經過打個卡又是另一番味道。

再往深井方向行，沿路嘅風景都好靚，令人覺得好舒服。

(但請視乎體力決定步行距離)

荃灣海濱長廊前往方法:

乘搭港鐵到荃灣西港鐵站，B1出口出，右轉步行5-7分鐘。

(由荃灣西行向深井方向)

由於沿路都沒有很多遮蔭地方，

所以建議黃昏時份去，

而且要做足防曬和防蚊措施啊~

延伸閱讀：
【親子好去處】包羅萬有手作市集~細菌小子飛船電動車+駐站魔術師

延伸閱讀：
【親子好去處】大叔的愛取景地+壁畫村+跳蚤市場　錦田1日遊必影張家朗壁畫！

Text & Photo : 龍鳯孖媽