【兒童視力】4歲驗眼盡早找出隱藏問題 自費兒童視力檢查流程分享
喺皓皓四歲生日前，我送咗份實用禮物比佢，登登登登就係驗眼啦！我眼見媽媽谷好多媽咪都講緊四歲小朋友要去健康院驗眼，不過健康院視力檢查只係屬於好初步：檢查有無度數、色盲同弱視，有異常就等專科再轉介或者自己出去再做檢查，咁不如直接帶小朋友去外面檢查仲方便，加上有問題即時跟進就最好啦，任何眼睛問題好似近視等等，即時行動改善，以免日後度數快速加深呀！
根據2021年香港衛生署最新統計，本港6歲學童入面有約18%近視，去到12歲學童更加急升約62%，「有近視帶眼鏡就解決到？」，但有500度或以上深近視，日後出現視力問題機會就倍增，好似黃斑病變同白內障等等，所以由幼兒階段起每半年驗眼，及早發現及早矯正！
皓皓驗眼結果公開！！結果100分，完全冇近視散光，聽落唔錯，不過實情係BB出世至五六歲自然地會有25度遠視，而現階段遠視快咗消失，視光師解釋皓皓有機會開始近視，聽到依度我都驚一驚呀，所以宜家起我就為保護佢雙眼做足準備，多啲帶佢出街少睇電子用品，同食多啲護眼食物！
帶小朋友驗眼最重要係職員同視光師要有耐性，皓皓驗眼用咗兩個幾鐘，一來唔慣，二來要小朋友乖乖不眨眼10秒已經很難，所以搵間有愛心有耐性既驗眼中心先幫到小朋友盡快驗眼嫁！ 我好感恩遇到十分有愛心的 驗眼中心，佢哋專為小朋友驗眼，職員同視光師態度好好，皓皓平時都肯坐定定，但驗眼需時，都難免有啲曳，不過佢哋都好好不停哄佢！
學童全面眼睛檢查
包括問診及病力查詢、屈光檢查、眼壓檢查、雙眼協調檢查、色覺檢查、眼睛外部健康檢查、眼睛內部(視網膜)健康檢查、綜合視力評估及針對性建議，檢查比健康院全面好多啦！費用大約二百幾蚊。
【隨時隨地接收更多育兒教育資訊】
📱 立即下載 MamiDaily 親子日常APP
🤱🏻 追蹤我們的 Instagram: mamidaily.hk
🔔 訂閱 MamiDaily 親子日常 Youtube頻道
