【升小2022】媽媽魚魚:到底直資私立學校有乜好?

【升小2022】媽媽魚魚:到底直資私立學校有乜好?

爸媽分享 bloggers
By媽媽魚魚 on 25 Jun 2021

有留意開我嘅朋友仔應該都知道呢依排魚媽係到研究緊,直資小學以及私立小學 。有朋友仔媽媽問我,到底直資學校有乜好?點解要揾直資學校?其實魚媽一直都認為,每間學校都係好學校沒有最好只有最適合。

英華小學
Photo from 英華小學

可能你會問咁點解魚媽你會考慮直資小學呢?
其實魚媽會睇直資小學係因為魚媽同蝦米妹心儀果兩間學校都比較熱門,怕大抽獎嘅成績未如理想,所以先考慮搵定一至兩間蝦米妹又鍾意,魚媽又覺得ok嘅直資私小。

點睇蝦米妹鍾唔鍾意?
當然係同佢一齊去學校開放日參觀啦!唔少嘅直資私小已經有開放日講座等等, 好讓家長同小朋友了解果間學校 。各校嘅開放日詳情魚媽就唔係到同大家逐一分享啦!大家有興趣就請自行上學校嘅網頁留意報名啦!

聖保羅男女中學附屬小學
Photo from 聖保羅男女中學附屬小學

回歸正題《到底直資私小有乜好?》

1.學校校風一致
其實魚媽覺得學校同家庭嘅教育理念一致係好重要,直資學校會有自己收生嘅準則同標準,而且學校大都會選擇取錄同學校理念、文化、校風較為相符嘅學生,所以直資學校嘅學生一般背景,興趣等都會比較類近,而小朋友相對地會比較容易融入校園生活。
因為蝦米妹比較慢熱,因此魚媽考慮報讀直資其中一個大嘅因素,係希望蝦米妹可以更加容易係學校揾到同佢興趣相同嘅好朋友,而更加容易適應小學生活。

2.多元化課外活動
直資學校雖然要收取學費,但相對更有充足嘅資源協助小朋友發展書本以外嘅知識。某啲直資學校會設計多班以 多元智能 為本嘅才藝班 提供小朋友選擇報讀,以發掘小朋友嘅興趣同埋愛好。

填鴨式教育 一直都係香港嘅教育問題 ,老師灌輸知識,孩子背誦課文,然後就係作業默書測驗考試罰抄留堂見家長,最後就係以分數定奪,分數定班別;分數定學校好與壞;分數定升學率;分數定個人前途……香港嘅教育大多都係分數定天下 。至於人格塑造同埋潛能開掘真係要睇自己嘅做法化。

有啲小朋友能夠勉強適應,但佢哋嘅童年呢?魚媽成日都分享童年只有一次 ,你想小朋友活係沒完沒了嘅補習班?壓力山大嘅功課考試測驗默書上面?定係為咗爭高低而加參加嘅課外活動班呢?

魚媽希望蝦米妹既『玩得』又『讀得』。 成績固然重要,但係 多方面發展對小朋友成長亦都有好大嘅幫助。

魚媽希望佢嘅讀書生涯唔係淨係有成績分數,而係充滿屬於佢自己『全人發展』,希望佢除咗讀書之外,都可以搵到一個令佢有把握有自信開心自豪嘅活動。

廣告
廣告

3.自由度高

無論係課程嘅設計,資源嘅運用, 收生嘅政策,教學嘅語言 同埋管理營運 等等多方面直資學校都有充分嘅自主權,給予學生更加全面嘅支援,以及多元而增潤嘅校園生活。而且直資模式可以發揮到個別學校嘅辦學理念同埋特長,並且開辦第三種語言同合理比例嘅國際課程,好讓學生有更多升學嘅出路。

分享完直資學校嘅好 唔知你哋有冇對直資學校有更多嘅了解呢。
其實每一間學校係最好嘅,只有最適合自己嘅小朋友。

千祈唔好因為其他人話好,你就盲目相信追隨,必須自己去了解學校嘅資訊,了解小朋友嘅需要,而去選擇一間『適合 』嘅學校。
祝大家一切順利!
加油!

共勉之!

16245885507715good

延伸閱讀:

延伸閱讀:

Text & Photos:媽媽魚魚

🤱🏻 追蹤我們的 Instagram mamidaily.hk 看更多育兒教育資訊
Share to Facebook