【兒童睡眠】估你唔到呢4件事令小朋友瞓得差！

bloggers

By 嬰幼兒睡眠顧問 Charlotte Ma on 03 May 2021

寶寶瞓得差，原來跟這四件事有關！

Photo from MamiDaily

1. 哺乳媽媽來PERIOD

來PERIOD的時候，媽媽奶量有機會下跌（我自己會跌一半...)，如果你是全埋身媽媽，來PERIOD前或中期覺得小朋友突然好fussy，好大機是他吃不飽！

建議：如果已加固，就要餵多些固體食物；若未加固，可能就要密密餵。小朋友半夜亦有機會因而扎醒多了。

媽媽記得來PERIOD後要補充氣血，休息足夠，追返奶量啊！

2. 落雨

落雨的日子，大部份小朋友都要留在屋企，減少了機會出街放電同曬太陽，因此，都可能令小朋友半夜睡不好！如果加上夜晚繼續落雨，有機會雨水會滴在窗邊，有些對聲音敏感的小朋友半夜會因為聽到滴水聲而扎醒...

建議：在屋企都要有大肌肉的活動，晚上不妨播一些音樂去遮蓋滴水聲。

Photo from MamiDaily

3.家長的情緒

你以為小朋友感受不到你的情緒？小朋友都不知幾醒！你緊張，他都會緊張，大人不懂得放鬆，小朋友都好難可以放鬆入睡。

建議：媽媽都要有me time! 那怕只是15分鐘落街行個圈。尤其是全職媽媽！並不是不負責任地丟低孩子給其他人照顧，而是媽媽有壓力都需要紓緩和排解！有時你會發現，只係短短的15分鐘，你返回屋企那一刻，你對住小朋友都會溫柔些！如果未能抽身出街，在臨睡前浸10分鐘的熱水浴或者做5分鐘冥想吧！當然，教小朋友自己入睡，你會節省很多時間可以me time! 自己都會和顏悅色好多（不論對住老公還是小朋友：P）！