【滋潤湯水】轉天氣要滋補一下 雪耳美顏 大眼雞清甜 兩款BB班廚藝湯水零難度

街巿見到有大大朵新鮮雪耳賣，即時買左一朵，新鮮雪耳好似繡球花咁燦爛。雪耳味甘淡、性平，對胃、肺、腎有禆益，蘊含豐富營養，有7種人體必需既胺基酸，有助促進新陳代謝。富含膠質，有美顏功效，有平民燕窩稱號。

鮮雪耳紅蘿蔔甘筍粟米西施骨湯

材料：

西施骨
新鮮雪耳1朵
紅蘿蔔1條
甘筍1條
粟米1條
蜜棗2粒
茨實
桂圓肉

做法：

1.西施骨汆一汆水；


2.紅蘿蔔去皮切件；
3.甘筍去皮切件；
4.粟米去外皮分成兩段；

5.新鮮雪耳去蒂就清洗乾淨...剪開一朵朵...

6.煲滾水後放入紅蘿蔔、甘筍、粟米、西施骨、蜜棗、茨實同桂圓肉煲2小時...

7.加入新鮮雪耳再煲10分鐘 (新鮮雪耳唔可以煲太耐...因為會起膠)

8.最後加入適量鹽調味就可以飲啦
鮮甜美味...大人細路同樣啱用...
滋潤湯水飲完真係潤晒...

南瓜粟米薯仔大眼雞湯

做法：

1.大眼雞劏好洗淨；
2.南瓜去皮切件；
3.薯仔去皮切件；
4.粟米去外皮分成兩段；
5.熱鑊落油加薑片...將大眼然兩邊煎至金黃色；

6.煲一煲滾水...將煎好既大眼雞加入煲...大火滾20分鐘；
7.加入薯仔同南瓜再滾20分鐘；
8.最後加入適量鹽調味就可以飲啦。

味鮮湯甜...啖啖滋味...好啱一家大細飲...
幼兒飲用就要小心一點...魚湯會有細碎魚骨...
飲前最好就過一過濾隔開魚渣...

延伸閱讀：

【養生食譜】女人經期後最適宜進補 黑豆桂圓紅棗茶簡易地為自己調理身體

延伸閱讀：

【出口傷孩】10句最傷害孩子心的說話！言語暴力比體罰更傷人 勿衝口而出讓孩子蒙上童年陰影

Text & Photos：MR. MOON _ RAIN 甜心小屋