download MamiDaily 親子日常 app
【經驗分享】從月齡寶寶開始  養成自行入睡的良好習慣

【經驗分享】從月齡寶寶開始 養成自行入睡的良好習慣

爸媽分享 bloggers
By Floreta on 20 Nov 2020

正所謂「寶寶睡得好,爸媽無煩惱」,好多新手爸媽對寶寶入睡都好苦惱,不知如何是好.....哄睡抱睡?抑或自行入睡?現在,我以過來人向大家分享個人經驗及心得~健康院一直提倡建立睡前常規,不哄、不抱、不搖,讓寶寶自行入睡。

可能會扭動身體、揉眼睛或打呵欠Photo from MamiDaily

由初生至兩個月,我家寶寶都需要哄睡

晚上,通常哄睡半小時左右,寶寶便會入睡

然後我哋就會慢慢地、靜靜地放寶寶落嬰兒床

寶寶睡著後,我哋才可以真真正正地上床休息

起初,都安然無恙,但直至寶寶差不多三個月

我哋按慣常做法,哄寶寶睡覺

當我哋以為寶寶已經入睡,準備放佢落床之際

佢就喊,但抱返起又繼續瞓

如是者,嘗試過幾十次,每當我放寶寶落床,佢就喊醒

好記得當晚,哄睡至凌晨5點,才成功放到寶寶落嬰兒床瞓覺

從當晚起,我就意識到寶寶已經不小心地

被我哋養成依賴大人協助入睡嘅壞習慣

若言,佢每晚都要哄入睡至凌晨,大人豈不是無覺好瞓?!

所以我當機立斷,決定要改正寶寶睡前習慣

1)睡前不抱、不搖、不哄
2)規律作息
3)自行入睡

改正行動,由翌日開始

參考咗健康院建議,替寶寶建立睡前常規

協助寶寶自行入睡工具:
1.安睡寶寶公仔 一隻
2.輕音樂 大量
3.安全+容易入睡嘅環境

極力推薦Fisher-Price 安睡公仔,安睡公仔分別有長頸鹿及海馬

輕輕擠壓便會發出柔和燈光,燈光會慢慢變暗,內有8首搖籃曲

非常適合哄睡寶寶

兩款公仔,我更推薦長頸鹿多於海馬

因為音樂播放時間較長,可以連續播放15分鐘

廣告
廣告

而且價錢較安睡海馬便宜

每當寶寶有睡意時,我就會放佢落嬰兒床

播著安睡公仔音樂,讓佢自行入睡

起初,寶寶並不習慣,半夜又會醒來哭鬧,但我參照健康院建議

若寶寶哭鬧超過10分鐘,我才會坐喺床邊安撫5分鐘,但唔會抱起

然後,無論5分鐘過後,有否繼續哭鬧,我都會離開

若再過10分鐘,仍然哭鬧,我又會安撫5分鐘

如此類推

寶寶跟我同房但分床睡,半夜哭鬧時,影響到爸爸睡覺

剛開始實行,爸爸質疑我嘅做法,我倆亦因為咁,而大鬧一場

後來爸媽有了共識,我倆忍耐並堅持咗一星期左右

就有成效,即使寶寶半夜醒來,只要再次播著安睡公仔音樂

佢就會自行入睡

直至現在,寶寶已經一歲多,每次瞓覺,只需要攬住安睡公仔就能自行入睡
當然,當寶寶唔舒服或者吽牙,我會哄睡
但喺正常情況下,寶寶都係自行入睡

所以爸媽們,只要堅持並相信

孩子們一定學會良好嘅睡眠習慣

過程中,爸媽不要質疑、懷疑自己

曾經我都懷疑過自己,到底咁做係岩定錯

但我以過來人身分,告訴大家

只要父母立定決心、持之以恆,寶寶一定能學會自行入睡

父母不必擔心太多

 

Text & Photos:Floreta

【隨時隨地接收更多育兒教育資訊】

📱 立即下載 MamiDaily 親子日常APP

🤱🏻 追蹤我們的 Instagram: mamidaily.hk

🔔 訂閱 MamiDaily 親子日常 Youtube頻道