download MamiDaily 親子日常 app
【創意煮法】媽媽第一次煮秋葵!烚到爛兼去晒籽 仔女:好似食湯圓冇左餡,好空虛!

【創意煮法】媽媽第一次煮秋葵!烚到爛兼去晒籽 仔女:好似食湯圓冇左餡,好空虛!

mami熱話 親子新聞
By Sarah on 27 Oct 2020
Digital Editor

煮飯Photo from MamiDaily

早前一位網民在社交專頁「Day Day Explode 日日爆」上投稿分享,指母親首次挑戰秋葵,因為未煮過不懂得怎樣做而問子女意見,「話說母親拎左啲秋葵返屋企,但佢話未整過唔知點整好,問我哋,我哋話就咁原條烚嚟食,點吓豉油就ok。細佬同佢講,係得個頭唔食得嫁咋,啲籽都食得。」

當母親完成菜式,樓主走到飯枱前一看,卻驚訝發現應該是「原條烚熟」的秋葵卻已面目全非,「我一行埋飯枱嘅內心世界:『why my 白烚秋葵looks like this ga?』你明明話原條上嫁,點解連內臟都去得咁乾淨嫁,劏魚黎講我俾100分.... 我係咪誤會咗啲野?呢條魚黎?」

原來樓主母親在煲水烚秋葵時,想起「反正個頭唔食得」,就決定先剪去頭部,「一剪,見到入面咁多籽,直覺覺得啲籽應該太多同唔好食,應該好似青椒咁,整走晒中間啲籽,再落滾水烚。」結果就出現了這一道與別不同的「白烚秋葵」。

秋葵。Photo from Day Day Explode 日日爆

雖然內心無比震驚,但樓主表面上力保鎮定,更故作輕鬆地問母親:「咦,你切開左去晒核呀?你唔鍾意啲核呀?」母親一聽亦即表達對秋葵籽的看法:「烚完好黏嫁。」相當可愛。

樓主朋友知道後亦笑言:「Auntie 整走晒最有營養嘅部分喎!」更問:「佢都好俾心機,當釀辣椒咁整WOR!平時阿媽煮野點架?」樓主護母心切,立即為其平反:「佢平時煮野好正常嫁,好味道嫁,不過佢好少挑戰新菜式嘅。」當朋友問到「白烚秋葵」口感如何時,樓主亦老實指「好空虛」:「就好似食湯圓冇左餡咁,軟爛黏。」

吃飯Photo from MamiDaily

雖然帖文表面上分享一道地獄菜式,但整篇文都洋溢着樓主和兄弟姊妹們對媽媽的愛,即使「軟爛秋葵」口感、賣相均相當一般,全家人都笑着吃光,「我哋一齊食晒嫁,面帶喜悅咁,不過我明示暗示超明示同超暗示咁同佢講,秋葵『好似應該聽講』要原條上嫁,以保護母親大人嘅自尊心。」而且更為媽媽將秋葵當青椒釀肉般的煮法解畫:「同顏色形狀嘅應該一樣煮法嘅,幾make sense 呀~~我重申我好愛母親大人。」,非常溫馨有愛!

Text:Mami Editorial
帖文內容授權:Day Day Explode 日日爆@facebook

【隨時隨地接收更多育兒教育資訊】

📱 立即下載 MamiDaily 親子日常APP

🤱🏻 追蹤我們的 Instagram: mamidaily.hk

🔔 訂閱 MamiDaily 親子日常 Youtube頻道