【食物安全】網民發帖分享「薯仔發芽爆花」相　驚動食安中心深夜緊張留言：有毒！要扔！

By Sarah on 29 Sep 2020

Digital Editor

早前街市成為新冠肺炎（武漢肺炎）的高風險傳染地點，大家為安全計都盡量減少買餸次數、每次買多點菜作儲糧。不過大家又知不知道有些蔬菜、食物存放過久會產生毒素？早前有網民發現家中薯仔發芽，拍下照片放上網分享。長滿芽的薯仔馬上引起食安中心的臉書專頁管理員「食安仔」注意，即使夜深仍不忘馬上回應提醒網民：「薯仔有毒」！

Photo from MamiDaily

早前一位網民發現家中薯仔發芽，因將薯仔收在布袋內且放在一角未有留意，再發現時已是3個月後。網民將發芽薯仔的照片放上臉書專頁「Day Day Explode 日日爆」分享，指：「薯仔發芽搣走啲芽就可以正常食架喇，但好似呢兩個咁真係放得太耐變軟晒就真係唔食得。」

照片所見，薯仔幾乎已發滿芽，不少網民回應指發芽情況驚人，亦紛紛留言指薯仔發芽即有毒素，着帖主快點丟掉。然而在一眾網民留言之外，其中一個深夜回覆的竟是食安中心的臉書專頁的管理員。

Photo from Day Day Explode 日日爆

食安中心的臉書專頁的管理員「食安仔」似見薯仔發芽情況嚴重，更發現帖主言辭間提及即使薯仔有芽，清除後亦可食用，故馬上留言提醒：「食安仔要提提呢位朋友：馬鈴薯一般含少量天然毒素苷生物鹼，但响發綠、發芽或損壞後，苷生物鹼會大增。如馬鈴薯出現上述情形，應成個丟掉，因為好難判斷要把薯皮或發芽部分削幾深先算安全，而且烹煮過程係唔能夠破壞苷生物鹼！」更呼籲大家平日要小心存放：「為免馬鈴薯變綠、發芽而產生苷生物鹼，馬鈴薯要貯存响陰涼乾爽嘅地方啊～」

Photo from MamiDaily

6種含天然毒素食物
	食物	減低風險措施
1	四季豆、扁豆、刀豆、紅腰豆、白腰豆、黃豆	把豆浸透，然後以沸水高溫徹底煮熟。
2	竹筍、木薯	去皮浸泡，切成小塊，再用沸水徹底烹煮。
3	北杏、亞麻籽	用沸水徹底煮熟；如果用其他方法烹煮，則只可小量進食。
4	馬鈴薯	切勿進食已發芽、已發綠或已壞的馬鈴薯。
5	白果	只可小量進食，特別是兒童。
6	鮮金針（鮮黃花菜）	徹底煮熟；曬乾後的金針可供安全食用。