【金器以外的好選擇！送給BB的第一份禮物】

係蠔豉妹妹未出世之前，太婆已經買定左一粒金吊咀俾佢~到妹妹出左世後，爺爺嫲嫲同契媽都跟傳統買左金器~

當時我就諗，買乜送俾蠔豉好呢？
講真，我宜家大個，除左結婚嗰日戴過金器外，其他時間啲金器都係保險箱，打算留俾老公阿妹同蠔豉出嫁用~
所以我就想送啲將來蠔豉有機會用返既野~
最後我就決定買一粒鑽石仔俾佢！等佢大個想鑲上戒子又得、頸鏈又得 :p

由於妹妹係7月15日出世，所以就想搵粒0.715卡既鑽石~
但原來市面上既GIA鑽石最多只係顯示到小數後2個位...
姐係就算粒石真係0.715卡，張GIA cert都只係會show到0.71卡...所以就增加左難度，因為要逐粒石上磅磅~

其實我都明自己好煩，但如果唔係0.715又好似無乜意思咁...
好彩經朋友介紹一間專門賣鑽石既小店~
佢地超好心咁真係逐粒磅，最後佢地用左2個星期就已經幫我搵到一粒質素又ok又係0.715卡既鑽石！
(除左Clarity、Fluorescence差啲外，Color、Cut、Polish、Symmetry都係最高Grade~)

以呢個價錢買到呢到質素既鑽石真係幾值！
想知自己買既石大概係咩價位可以先download個app~
之後揀返自己既要求~
一開始我就預我既要求係呢個range~大概20k-30k~

最後，粒石within呢個range仲要唔洗20k，只係萬幾蚊乍 :p
講真，我自己隻有隻戒子都係只係0.75卡，質素仲差啲啲，但貴宜家幾千...當時真係傻豬豬係大舖買...
不過唔緊要啦，宜家醒目就得~

呢間小店除左價錢ok外，仲好貼心咁可以係個盒上面laser cut個名或者logo~
我呢個貪心既媽媽緊係話好啦！
又拿拿聲搵designer幫我出圖~
加左之後真係更加有意義~

雖然我唔知蠔豉妹妹鐘唔鐘意呢份禮物，不過我呢位媽媽就好鐘意~
等妹妹大個之後，佢可以自己決定鑲戒子定吊咀~最緊要佢鐘意~

早幾日同老公講起，好彩妹妹7月出世~如果佢10月出世就要買1卡~
老公竟然話如果係10月打後出世，佢唔會贊成買鑽石~話仲要買得大過求婚都傻傻地咼 :p

不過，無論有無禮物，BB都一樣感受到爸爸媽媽對佢既愛，而我地只係早啲幫佢準備嫁妝~因為金都要萬幾蚊両~加多少少有粒GIA鑽石仔都一樣保值 :)

Text & Photos: Pig Wing

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！