【兒童心理發展】想BB做個開心寶寶?媽媽分享Happy baby之育成

【兒童心理發展】想BB做個開心寶寶?媽媽分享Happy baby之育成

爸媽分享 產前產後 育嬰貼士 bloggers
By 3隻黐媽b on 07 Jun 2020

經常有人說安立寶是個開心寶寶,由出世笑到現在半歲大。最近有個剛生BB的朋友問:安立寶何時開始經常笑?我回想一下,好似一出世就已經是這樣?可能安立寶是個天使寶?不過再認真想想,可能和我十分注重BB嘅的心理發展有關,總括來說育成happy baby有三大秘訣,和大家happy share。

1.滿足BB生理同心理需要
初生BB嘅笑容被稱為「天使的微笑」,其實呢個時期嘅笑係冇意識嘅,多數係生理性微笑,唔係BB自主嘅情緒表達,佢哋如果成日笑,即係代表佢好滿足好舒服,瞓得好食得飽唔熱唔凍冇臭片噏住,先至會舒服到笑。安立寶初生嗰時成日都瞓瞓吓笑到咔咔聲,聽到媽媽冧晒~

到BB大少少,佢哋就唔再淨係食痾瞓,清醒時間長咗,喊又喊多咗,開始識得所謂「扭抱」,其實係需要安全感,呢個係BB嘅本能,當BB喊嘅時候有人立即回應佢,俾到安全感佢,會令佢哋嘅大腦唔需要優先處理舒適同安全,唔需要擔心自己嘅安危,大腦就會有空間去發展探索世界嘅部分,放心咁去成長,對佢身心都有好處。唔需要用喊去要求關注,自然笑多啲開心啲~

2.對BB笑多啲,保持輕鬆心情面對BB
2、3個月開始,BB視力好咗,開始會凝望人嘅樣貌,佢哋就好似舊海綿咁,見到咩嘢就記入去個腦度,繼而模仿人嘅表情,再學習情緒嘅表達。啲BB好敏感,雖然佢哋未識講嘢,但係照顧佢嘅人嘅情緒佢哋係感覺到,你係開心、輕鬆、對住佢笑嘅,佢就會跟住你開心笑。相反,照顧佢嘅人煩躁、堅張、黑起塊面,BB都會感到不安。所以如果自己情緒真係好差,寧願放低佢去冷靜吓,好過夾硬抱住佢將自己嘅負能量傳俾BB。

基本上由安立寶出世開始,只要佢一望向我,我就會即刻對住佢笑,配以輕鬆嘅語氣同佢講嘢,希望佢見到開心嘅媽媽,雖然有時真係攰到面癱,但係只要安立寶一擰過嚟,幾攰都會擠出笑容回應佢,呢個係媽媽嘅堅持。

3.讚多啲BB、俾多啲鼓勵,避免負面說話,令BB喺愉快嘅環境學習同成長
以前嗰代人可能鬧多過讚,但相信新一代嘅教育方式都傾向正向教育,正向教育能夠令小朋友培養自信心,有自信心先會有能力面對呢個世界。試諗吓由細到大做咩都俾人睇死/教訓/比較,自己都唔信自己做得到,咁將來大咗又做得到啲乜?稱讚同鼓勵令BB更願意去做你想佢做嘅事,變相學習能力都相對提高。

我讚安立都讚得幾多㗎,安立寶學嘢學得算幾快,暫時最顯著嘅係喺加固方面,佢肯食我就讚佢叻,食完又拍晒手,令佢好願意自己食嘢,加固冇耐已經識得拎匙羹擺入口同埋用飲管杯,最近仲發現教佢玩玩具佢識得重複我做嘅嘢!營造一個愉快嘅環境對學習好緊要,俾著你返工做咩都俾人鬧或者唔俾你做,你都寧願少做少錯唔做唔錯啦係咪?(笑)

廣告
廣告

順便講吓成日聽到但有科學研究反對嘅說法:

1.唔好成日抱由得佢喊
人類BB比較堅強⋯但只要諗吓自然界嘅哺乳類動物只要離開媽媽,就算有人工餵飼都多數會夭折,點敢由得佢喊⋯BB經常被忽視係會增加嬰兒猝死症嘅風險,好驚呀⋯

2.喊吓對個肺好
BB出世喊係肺功能良好嘅象徵,但之後成日喊其實對佢唔好,生理上會入風肚痛、嘔奶,心理上會破壞佢對人嘅信任。想練肺嘅話其實笑仲有效,不過注意唔好俾BB笑得太勁太耐,會令佢過度興奮過度刺激。

3.BB成日喊係冇安全感
一歲半前其實相反,BB識喊先係有安全感嘅表現,因為佢對主要照顧者(通常係媽媽)建立咗依戀關係,知道自己喊會得到回應,佢先至會用喊嚟呼喚主要照顧者。只要媽媽理返佢就好快收聲,媽媽喺度佢可以同其他人玩,媽媽行開吓佢會不安但不至於喊到癲咗,咁都係安全型依戀,係最健康嘅關係,呢種心理狀態會影響到BB日後交友、戀愛,甚至婚姻、家庭。一歲半後BB就可以同兩至三個人建立依戀關係,通常係爸爸、爺爺嫲嫲公公婆婆或工人姐姐,然後越嚟越多,越早俾佢同多啲人接觸可以令佢嘅情感分散建立,可以接受其他人照顧同社交。

安立而家見親鏡頭就笑,除非肚餓眼瞓,如果唔係基本上任抱唔嬲,最乖係次次見太嫲都好合作,就算瞓咗摷醒佢都笑到見牙唔見眼,同其他小朋友玩、見到陌生人又好開心~真係世界級世界仔⋯XD!希望每個BB都開開心心,成日笑哈哈~

Text,Photo:安立媽媽

【隨時隨地接收更多育兒教育資訊】

📱 立即下載 MamiDaily 親子日常APP

🤱🏻 追蹤我們的 Instagram: mamidaily.hk

🔔 訂閱 MamiDaily 親子日常 Youtube頻道

Share to Facebook
Our Videos
官方影片
You may also like
你可能也喜歡
【親子好去處】一家四口$200全年任玩濕地公園  闖巨型樹屋 探貝貝 紅樹林浮橋
爸媽分享
4 days ago
【親子好去處】一家四口$200全年任玩濕地公園 闖巨型樹屋 探貝貝 紅樹林浮橋
【懷孕】人妻自然受孕機會僅2% 15次IUI皆失敗 不孕夫妻死心後卻因一關鍵一舉得男
懷孕
11 days ago
【懷孕】人妻自然受孕機會僅2% 15次IUI皆失敗 不孕夫妻死心後卻因一關鍵一舉得男
【上奶方法】7大事項影響媽媽乳汁分泌 快學10個易上奶小貼士!
母乳
14 days ago
【上奶方法】7大事項影響媽媽乳汁分泌 快學10個易上奶小貼士!
【幼兒發展】你的孩子適合返Play Group嗎?
爸媽分享
14 days ago
【幼兒發展】你的孩子適合返Play Group嗎?
【剖腹意外】緊急剖腹誕女嬰左臉留超深刀痕 一出生即縫13針意外罕見
懷孕
16 days ago
【剖腹意外】緊急剖腹誕女嬰左臉留超深刀痕 一出生即縫13針意外罕見
【親子教養】跨國小學生組隊寫作  疫情下自發性齊心做慈善
爸媽分享
21 days ago
【親子教養】跨國小學生組隊寫作 疫情下自發性齊心做慈善
Hottest Articles
最熱文章
【遺傳疾病】雙胞胎兄弟1歲仍未識翻身抬頭 多次被醫護敷衍「只是懶得動」 結果令人心碎
兒童健康
a day ago
【遺傳疾病】雙胞胎兄弟1歲仍未識翻身抬頭 多次被醫護敷衍「只是懶得動」 結果令人心碎
【功課輔導】爸爸嫌妻子教兒子數學時太惡 親自出馬5分鐘後崩潰扻頭埋櫃
mami熱話
2 days ago
【功課輔導】爸爸嫌妻子教兒子數學時太惡 親自出馬5分鐘後崩潰扻頭埋櫃
【同卵三胞胎】三胞胎太似樣爸媽都難以分辨 靠1物輕鬆認人避免重複餵奶
mami熱話
a day ago
【同卵三胞胎】三胞胎太似樣爸媽都難以分辨 靠1物輕鬆認人避免重複餵奶
【婚禮歌曲】帥氣男閨密婚禮上為新人獻唱 1句歌詞令新郎表情管理失守當場黑面
家庭關係
a day ago
【婚禮歌曲】帥氣男閨密婚禮上為新人獻唱 1句歌詞令新郎表情管理失守當場黑面
【小一叩門2022】2校保留拍片多校僅限網上申請 叩門生必睇新界區15大熱門小學申請詳情!
小一入學
2 days ago
【小一叩門2022】2校保留拍片多校僅限網上申請 叩門生必睇新界區15大熱門小學申請詳情!
【心碎】小學發生槍擊案 救護員爸爸接報到場 拯救滿身鮮血女孩後得悉心碎一幕
mami熱話
8 hours ago
【心碎】小學發生槍擊案 救護員爸爸接報到場 拯救滿身鮮血女孩後得悉心碎一幕