【一手包辦自己的婚禮～BB百日宴＆生日都岩用！】

早幾日係我人生中既大日子，雖然唔係咩好豪華既佈置，但簡簡單單我都已經好滿足！因為想慳返D錢留比BB出世用，所以係今次婚禮既佈置、甜品、酒水都係自己格左好多價去搵返黎。想搞結婚佈置、BB生日、百日宴既佈置都可以參考下架！首先，講講甜品啦，除左味道好食，賣相都真係好重要。好多整得好靚，好有打卡Feel既甜品都會好貴，而今次甜品我係上網搵既，因為之前另一半生日都有幫襯過覺得好好，同埋價錢比較貼地，所以到自己結婚都揀返呢間Cake Shop去整，結果都無令自己失望！

多數搞BB生日會、滿月Party都會送下曲奇餅比來賓，呢一款既糖霜曲奇可以同佢講要咩樣，搵返D reference圖比佢睇就OK。例如奶咀、奶樽、卡通人物都可以做到。同埋我都揀左D Cupcakes、蛋糕仔比來賓食。

有甜品又點少得靚既甜品碟呢！甜品就咁擺都好似差咁D野咁，所以我都專登買左D三層既甜品盤，令到個視覺效果可以令D。

其次，就梗係唔少得宜家好流行既氫氣球啦。係香港買實在太貴，問左好幾間，只係幾個波波已經要＄500-700，有D仲要成千蚊。所以我都係決定淘寶買氣球自己搞掂，慳返幾個錢留比BB用仲好啦！（做左媽媽後，真係慳家左）（汗）

氣球購買連結：https://qiqiu888.jiyoujia.com/shop/view_shop.htm?spm=2013.1.w14960251-17348016489.1.3c5427f9LqmDov&scene=taobao_shop

其實小朋友生日、滿月Party用小小心思，簡單佈置一下，佢地都會好開心架！特別有野食、有氣球玩！

不過最重要都係作為父母可以為小朋友做D野，一齊開心下係最滿足！

Text & Photos: Lorraine

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！