一家三口黃昏嬉水　父母浸BB落水影相　網民：佢凍到無晒反應

在新冠肺炎（武漢肺炎）疫情下，很多家長都盡量避免帶小朋友外出，以免受到感染。不過，日前有網民於社交網站專頁投稿指，在清水灣沙灘目睹一對父母帶同約3個月大的嬰兒去浸水，更表示嬰兒疑似凍到無反應，引起不少網民迴響。

上周日（19日），一名網民在「生仔要考牌系列」Facebook專頁投稿指，下午約5時半，目擊一對父母帶同目測未夠3個月大的嬰兒在清水灣二灘浸海水，「今日本身都唔係大太陽，仲要太陽已經開始落山，啲大人都上晒水，海度得番幾個人。呢對父母仲喺度慢慢同BB影相，喺度係咁浸佢落水，個BB已經係凍到完全冇晒反應！真係好擔心佢有低溫症」。隨文更附有3張照片，相中可見有3人，為一對男女及一名嬰兒。該對男女分別抱著嬰兒在海邊浸水。

Photo from 生仔要考牌系列＠Facebook

Photo from 生仔要考牌系列＠Facebook

此帖一出，引來不少網民留言，有人擔心嬰兒的健康安全：「依家四月中海水溫度仲係好凍」、「未過端午節都唔應該游水，溫差真係預計唔到」、「咁嘅疫情仲去沙灘浸水又唔戴口罩」。不過亦有部份人認為無問題，「你覺得凍唔凍代表人哋都覺得凍」、「其實B仔本身體溫都較高，呢幾日天氣，唔浸太耐應該都問題不大」。

延伸閱讀：
【危險】帶BB游水 7大注意事項

Photo from 生仔要考牌系列＠Facebook

網民反應兩極，不過，家長帶孩子去游水時，亦應加倍謹慎。例如：1歲以下的嬰幼兒，若初次游水，家長最好選擇暖水池，或直接放一缸約32℃左右的溫水。另外室溫亦不要低於22至26℃。而孩子離開水面時亦要立即用毛巾包裹他們，作保暖之用，以免著涼。

延伸閱讀：
【耳朵入水】BB耳孔入水勿亂搖頭 隨時損害腦部

Text：Mami Editorial