【分娩前要清胎毒？】在職孕媽分享6款簡單食譜！

By Yin Tsang 大眼姨姨 on 13 Apr 2020

孕婦懷孕在30週後，胎兒開始發展成熟，中醫角度都建議可以開始「清胎毒」。胎毒即是熱毒，在分娩前清除，可減少產後BB容易敏感的體質，有助BB皮膚變白滑及生產順利。孕婦因為陀BB的荷爾蒙影響，體質會改變，大部分孕婦亦因進食燥熱食物、辛辣、夜睡、勞累、環境污染等原因產生胎火。這些胎火都會令BB出世後容易有新生嬰兒座瘡或奶癬其他皮膚問題。準媽媽不用急著清胎毒，以少量開始了解自己身體反應，如果本身比較虛寒，會先建議調理身體後才清胎毒。

本身我亦是一位在職媽媽，所以清胎毒嘅食譜，我都係簡單方便為主，隔日可以食一些性涼的食物：

1. 豆腐花
最簡單方便嘅方法係買現成糖水舖或者超級市場/便利店都可以買到，亦係最慳時間的方法。

2. 綠豆沙
相對比較清涼，建議35週之後。

Photo from MamiDaily

3. 蓮子百合腐竹蛋薏米糖水
做法簡單：水5-6杯、腐竹2大塊、冰糖適量、雞蛋2隻、蓮子百合適量去中間的芯，想口感更佳的可以加生熟薏米。這個糖水亦是我的至愛，因為可以收工煲定，飲剩的可以放在雪櫃，連續飲兩日。

4. 白蓮鬚雞蛋糖水
白蓮鬚乃蓮花的花蕊，性平味甘，有固澀、補腎、解熱毒之效。最好34至36週才開始食，因為太早期食怕有反效果，容易子宮收縮。做法：雞蛋一隻，白蓮鬚適量，冰糖。雞蛋連殼先以熱水煮熟，剝殼備用。四至五碗熱水煮熟白蓮鬚，用大火煲滾後轉慢火煲25分鐘，撈走全部白蓮鬚，放回已剝殼雞蛋，加入冰糖調味，再用慢火煲10分鐘。