【媽媽共鳴】隊友要避開呢句激嬲媽媽嘅說話！點講老婆先開心？

湊小朋友好攰，特別湊初生就更加攰。再加上我係餵母乳，初生BB埋身食奶次數好頻密。所以，基本上無得唞。不過，初生BB最常就係出現日夜顛倒情況，日頭幾嘈都瞓得著，夜晚好寧靜反而扭天咁濟。

就喺媽媽日日瞓好少嘅狀態之下，聽到明明每晚都瞓到「葛葛聲」嘅隊友講：「我好攰呀，尋晚瞓得差，好似無咩點瞓過咁！」、「尋晚BB無喊過喎，真係好乖」（係喊咗好多次，你都聽唔到咋）！聽到咁嘅說話，又點可能叫媽媽唔氣上心頭啊？

Photo from MamiDaily

奉勸隊友，可以試下咁講：「我好攰呀，尋晚瞓得差。不過點攰，都唔及老婆你照顧BB咁辛苦，錫晒你呀老婆！」

講返湊BB最辛苦嘅係，初生BB常有日夜顛倒嘅情況。無論日間時間，幾嘈都瞓得著。到夜晚特別係夜深時份，BB明明抱住瞓冧咗，點知準備放落床就會即刻大喊。然後又抱返入懷抱，經歷無數次，直至天光！

Photo from MamiDaily

送張圖俾大家，絕對係父母心聲！

到底每晚，要經歷幾多次，先可以收工瞓覺呢？

延伸閱讀：
【BB成長日記】疫症下的QE新生嬰兒黃疸 | 私家醫院跟進服務公院收費
【2020生產記】疫症下去公立醫院生BB不可以陪產？沒有探病時間？

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos：和牛B的成長日記

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！