【復活節2020】成本只需$20！親子活動自製甜品 邊玩Egg Hunt邊學習！

之前介紹了復活節玩學提案，有免費復活節主題幼教教材，又有最平$36/組教學玩具，今日介紹食案，整一道又平又吸睛嘅復活節小甜點~復活節慳慳地足不出戶都可以好開心！

免費Easter幼教教材懶人傳送門: http://bit.ly/3cVoaqi

平價Easter教學玩具懶人傳送門: http://bit.ly/2Q2X6LR

登登登登...就係蛋花大菜糕，佢含有豐富嘅藻紅素、維他命B1、B2、鉀、碘、鈣等，仲有高植物性膠質，易有飽肚感之餘，仲有助排走身體毒素，相當天然嘅食品，而且煮法亦好簡單，啱晒小朋友化身小小廚師，齊齊整小甜點~~為左配合復活節主題，我地仲搵左又平又靚嘅蛋殼做容器盛載，呢個蛋殼更可一物二用，兩個小廚師都好滿意製成品，打卡呃Like一流！

食譜

材料：大菜絲 ($12/包，一包可分3次)、雞蛋1隻、天然羅漢果糖50克、水1200ml

延伸閱讀：
【親子好去處】識揀地方可減低行山風險 多條親子行山徑大集合！
【小朋友自理】善用家中廢物 5分鐘自製教材 輕鬆教識孩子綁鞋帶

煮法：

1. 浸淋大菜絲

2. 滾水放入已浸淋大菜絲至融化，加入蛋花及天然羅漢果糖 (不含糖份，唔怕小朋友食得多會蛀牙，稍後詳細分享)

3. 拌涼放入蛋殼容器，再放入雪櫃冷藏約1小時即可

以往復活節好多地方都有egg hunt，但今年疫情嚴重，大抵都取消了，其實自家玩一樣可以好刺激，大菜糕蛋殼用完後，一物二用，當egg hunt小道具，容許我分享小小idea～

1. 普通版egg hunt

小朋友們鬥快係限時內搵最多蛋，以數量決定勝負

2. 進階版egg hunt

如果係一孩家庭冇得鬥快點玩？事前訂下得分表，限時搵到幾多蛋有幾多分，根據得分表送獎品

3. 促進學習複雜版egg hunt

true or dare 玩得多，今次同小朋友玩進化版Answer or Action! 預先準備一堆問題同埋task，每隻蛋再放入中英數理問題及task代號，搵到該蛋嘅小朋友就要決定Answer定Action，答對或完成task先得分，獎品根據得分！

玩過一次，鯨魚蝦子都好enjoy，祝各位小朋友復活節快樂！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos：鯨魚家姐‧蝦子細佬媽媽

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！