【二次懷孕第8週】二胎媽媽擁有無比的勇氣！回顧懷孕至分娩7大痛苦之處！

相信好多二胎媽咪同我一樣，回想起陀第一胎的可怕懷孕經歷，之後就會諗唔明點解又再一次落入依堆恐怖又甜蜜的懷孕過程當中！「一切都是因為愛呀！」以下與大家回顧下懷孕中各位孕媽咪經歷的痛苦處！

Photo from MamiDaily

1. 可怕的沒原因持續腹痛

我陀第一胎由五週到八週都有腹痛，感覺似M痛，所以當時搵醫生照咗好幾次，不過胎兒很健康，醫生解釋有機會係胎兒長大中，拉扯到子宮內肌肉所致。

Photo from MamiDaily

2. 可怕的長期孕吐感

第一胎我由第七週開始想嘔，之後試咗好多方法都搞唔掂，最後用到終極方法：訓床完全不郁，100%靜止先可以止嘔，不過有幾次都係床上衝入廁所嘔，所以當時每次產檢我都好驚會係車嘔。亦因為嚴重孕吐，我體重無按正常發展，懷孕20週前體重只有下降，不過好彩筋肉寶寶吸收能力好強，我食唔多但他身高體重發展得好好。

Photo from MamiDaily

第一胎最終到二十週孕吐感先回落，我先可以開始正常食每一餐，不過食唔到好耐，大概到懷孕七個月，因為胃部受到子宮向上壓所影響，結果又開始食唔到嘢啦！而今胎情況亦都差唔多，不過孕吐感更長久，大概去到22-23週先回落！

3. 可怕的腰痛感

做孕媽咪時常有腰痛，孕初期唔知點解腰會酸痛，到孕後期就更加唔洗講，腰痛到好勁，所以好多孕媽咪會用托腹帶去盡量舒緩痛楚，不過我今胎發覺原來做簡單運動都舒緩到，遲少少會同大家分享我的孕婦運動！

Photo from MamiDaily

延伸閱讀：
【二次懷孕第12週】超詳細版！公立醫院孕婦特別付費檢查一覽表
【媽媽分享】二次懷孕第9週｜原來保護好自己要最小心身邊的BB？

4. 可怕的水腫

我幸運地無嚴重腳水腫，但聽講好多孕媽咪講係孕中期已經要買大一對鞋或著拖鞋代替。

Photo from MamiDaily

5. 可怕的分娩

我生第一胎由穿羊水到真正分娩用咗28個鐘，經歷22小時都只係開咗4度的恐怖經歷，拎住笑氣去到唔識放手，大概20-30秒一次的陣痛。不過很幸運因為度數開得唔夠，所以可以選擇打無痛，最搞笑因為真係太攰之後係手術床上訓埋，最後仲被助產士發現添。

6. 還有我覺得還可以的分娩經歷

插尿管放尿我試過兩三次，不過當時陣痛到癲，所以都無心情理。

Photo from MamiDaily

7. 可怕的沒間斷兩小時餵奶開始啦

我同其他媽咪的產後醫院經歷唔太一樣，當時筋肉寶寶唔係我身邊，所以我唔需要每兩小時起身去餵奶換片，不過我知道好多媽咪係依個階段心情會好低落，特別好擔心上奶問題，見BB不斷喊又唔知點算，再加上每兩小時就要起身都好攰了！

Photo from MamiDaily

如果大家身邊有位肯為你生二胎、三胎的好太太，真係要用心愛鍚呀！！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
Text：kylife

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到：[email protected] 我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！