全港聖誕必到打卡靚位 岩晒一家大細度過溫馨節日

不經不覺間，來到全年最後的一個大節日——-聖誕節。未知各位爸爸媽媽準備好帶小朋友去邊玩未呢？仲未決定？唔怕依家就等小編整理好各大商場的聖誕主題，睇下邊個最岩你地一家人去玩。

車仔迷必到打卡之地
愛玩車的你無可能咖識TOMICA，而今次TOMICA合金車將聯同港鐵公司合辦【TOMICA Factory】，並分別在港鐵公司旗下五大商場——青衣城、綠楊坊、海趣坊、新屯門商場及恒福商場設下影相區，當中青衣城更有全港首個TOMICA汽車工廠概念城，小朋友不但可以製作員工證，仲可以透過VR體驗駕駛和鬥車，必定讓愛車的你有個難忘的回憶。

地點:青衣城1樓夢幻島大堂
日期:即日起至2018年1月1日

慶祝佳節亦不忘環保
PMQ連同AaaM建築設計工作室、綠色力量聯手打造別開生面的紙包聖誕樹，透過這特別的節特來提醒大家，而製作這聖誕樹還有班可愛的小朋友幫手，除了聖誕樹之外，還有紙包製的小動物，十分可愛。

地點:中環鴨巴甸街35號
日期:即日起至12月31日

飛天熊大LINE Friend迎聖誕
熊大、兔兔又吹雞，不過今次唔係開舖，而係叫埋成班Line Friends朋友仔去到朗豪坊，還將整個CHRISTMAS PLANET的太空場景帶到朗豪坊，話要帶大家一齊參觀佢地嘅星球，大家既可以同心儀的Line Friends影相selfie，亦可以參加全新設計的互動遊戲，贏得限量版LINE FRIENDS禮品添。

地點:朗豪坊4樓通天廣場
日期:即日起至2018年1月1日

Forever Friends去九大商場同你「熊」抱一番
香港人好幸福，去戲院可以見到英國的柏靈頓小熊，去華懋集團旗下九大商場（希爾頓中心、好運中心、粉嶺名都商場、上水名都商場、好順福購物中心、巴黎．倫敦．紐約戲院購物中心、迎濤灣廣場、富豪花園商場及豪景花園商場）則可以見到久違的 Forever Friends 家族。今年仲係Forever Friends 家族30周年大日子，所以同Forever Friends一樣大的朋友仔只需即日起至聖誕節當日（25/12）到希爾頓中心，出示身份證明文件同時以電子消費滿HK$30，即可獲贈神秘小熊禮品～

地點:希爾頓中心
日期:即日起至2018年1月2日

輕鬆小熊萌聖誕

大人細路都鐘意的Rilakkuma輕鬆小熊，今年分別去到The ONE、皇室堡同大家見面，兩個場內都特別設有多個影相位置，如想再靚啲，大家只要讚好商場專頁，便可以換取特別的濾鏡眼鏡，之後就可以睇到好多心心圍住小熊及小白熊架啦！

地點:The ONE UG2中庭、地下露天廣場及L2、銅鑼灣皇室堡地下中庭
日期:即日起至2018年1月1日

浪漫粉紅花海樂園～So Romantic
素來新城市廣場7樓星光花園的聖誕裝飾都十分別出心裁，而今年花園變成浪漫粉紅花海樂園，設有迴旋木馬、旋轉摩天輪、花牆迷宮、夢幻熱氣球、光影搖搖板、還有星光泡泡許願泉，而一期三樓還有霓虹燈主題牆，讓你展示不一樣的聖誕節。

地點:新城市廣場一期七樓星光花園
日期:即日起至2018年1月14日

溫馨天使首次攜手歡度聖誕
眾人喜愛的Little Twin Stars與Precious Moments的天使們一直都受大家喜愛，今次聖誕節，他們首次攜手並在黃埔新天地與眾港人一齊歡欣迎聖誕。

地點:黃埔新天地
日期:即日起至2018年1月7日