【抗疫活動】親子行山遊簡易路線推介景色視野一流

By Yin Tsang 大眼姨姨 on 24 Feb 2020

本身從事美容行業，愛美愛扮靚，亦喜歡戶外活動：如潛水，行山，滑水，滑雪做瑜伽的一位媽媽。孕有一個 21個月的大眼仔BB。現懷孕27周幾，亦是男嬰哦。希望懷孕期靚住肥B唔肥身嘅媽媽。平時亦活躍媽媽群組媽媽群組，留意有什麼平靚正BB產品及喜歡試玩不同的 playhouse 。希望今次能做到 blogger 分享BB趣事給大家。

依段抗炎期間，小朋友每天都在屋企，以免去人多地方。眼見大眼仔試過幾次自己去攞鞋仔，高呼：「街街！」；始終男仔都要放電，這個假日終於一個家人去行山走走。先生見我已陀BB 7 個半月，所以選擇輕鬆一點的行程，我們只是搭車上到山頂，再慢慢行走落山。想不到郊區有咁多人，沿途亦好多車上山落山，人群聚集嘅地方，我都建議大家戴住口罩行山哦。

飛鵝山高 603 米，山頂完全可以看到全個東九龍景色，視野一流，作為女仔行山嘅要求：除咗郁動下就係想有靚人靚景靚相。這個地點絕對符合要求，而最重要係呢條路徑沒有什麼梯級，只是暗斜路，比較易行；我們帶着嬰兒車也可以順利推動就着，當小朋友走到疲累的時候也可以上車休息一下！但係要留意嘅係當中沒有太多椅子位及廁所位，可中途休息，所以遇見到兩個涼亭位就建議休息一下。但係以行山路徑來說，比較短途，也沒有太大問題。