【唔做會後悔！3件孕期必做的事情～為孕期留下美好回憶】

愈黎愈接近預產期，就愈黎愈期待同緊張。有時回望返呢8個月，同未有BB嘅時候，其實都係照常咁生活，無咩大分別。但懷孕當中嘅變化，真係好特別！當中有啲野我覺得一定要襯有左BB一定要做，唔做真係會好後悔！

1. 一定要影孕照

有左BB之後，除左個肚會愈黎愈大之外，都係女性第2次發育嘅時候，哈哈！呢個期間，一定要去影孕照！我發現孕媽媽影呢類嘅相，就算性感少少都會好有美感同好有女人味。早前我係29週，仲係比較輕鬆嘅時候去左影孕照，好好記念一下第一胎懷孕嘅感覺！當睇返啲相，真係會覺得懷孕係好神奇，原來BB同自己真係好Close！

(如果大家對呢間影孕照嘅地方有興趣，可以Facebook Inbox問我啊！因為唔係賣廣告XD)

2. 要Keep住扮靚，做一位辣媽

好多時有左BB會因為攰/懶而唔去扮靚靚，但其實係懷孕階段真係好重要，除左比身邊嘅朋友羨慕之外，老公都會覺得你好有女人味，好似一個辣媽！出街、穿搭上都不妨花小小時間打扮一下，搽返個粉底，夾一夾睫毛，搽返個有色潤膏！著衫都可以揀啲貼身少少，突顯返個線條！

3. 擁有一張超聲波相

以前未有BB個陣，都見過好多媽媽成日都post照聲波嘅相。雖然未必好似醫生咁識睇，但話晒係第一個B，梗係要留念一下啦！第時BB大個左，可以解釋返比佢知以前係媽媽肚入面嘅情況，加深佢同你之間嘅關係！

歡迎媽媽們一齊交流／傾下計，成為我既同路人！將會有更多有趣，扮靚、健康、育兒等等既心得分享！

Text & Photos: Lorraine

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！