【孕期紀錄】準媽媽的孕期心聲 懷孕期給孩子畫的日記繪本（下）

畫畫可以放鬆心情，所以懷有Aidan時就畫了這本繪本，想隨心記錄一下孕期的感覺，第時可以回味下。

分享給大家，唔知靚媽們有無同感呢！

【 安妮媽媽懷孕日記繪本 】｜【 上集 】

==============================================

孕婦的口味真係變得好快又好奇怪，在15週的某一個深夜，突然好想好想飲羅宋湯，食肉醬意粉！但咁夜食呢啲實在太有罪惡感了，結果忍到第二日中午即刻衝去餐廳食食食，果種滿足感真係難以形容！

==============================================

孕期中，我完全接受唔到孕婦奶粉和鮮牛奶的味道，一飲就反胃！試左好多隻牌子，終於有盒係入到口，但無奈屋企附近幾間超級市場成日都無貨，老公每日收工就去幫我行晒咁多間超級市場搵牛奶，買到果日佢會好開心～哈哈，傻爸爸！
但⋯⋯飲左幾個星期後，我先發現原來我的腸胃對鮮奶過敏，唔怪得我每次飲完都會肚痛，有時仲會痛到行唔到，無奈又要放棄飲奶，改食其他高鈣的食物。

==============================================

就是想哭呢！
孕期的情緒真係好難控制，辛苦老公了⋯⋯

==============================================

當從醫生口中得知肚中係仔仔時，最開心最大反應的係婆婆，笑到見牙唔見眼，哈哈哈哈～

==============================================

都唔明點解其他孕婦個肚可以咁靚，而我就生到成肚都係毛毛，成個奇異果咁，激死我⋯⋯

==============================================

踏入孕期的第6個月，我對腳每晚都會好麻痺和無故抽筋。
老公每晚都會幫我用果薑油按摩雙腳，一邊聽住音樂、一邊傾下計，真係好舒服好享受～多謝老公！ 

==============================================

肚子漸漸脹大，最困難的事就係著鞋、著襪和剪腳甲，完全係高難度動作！ 

==============================================

第一次感受到胎動是在16週5日，肚子裡微微的跳動真係好奇妙，感覺好實在、好感動，每天都期待著BB的郁動！ 

==============================================

每晚係BB不停郁動時，爸爸就會同佢講故事！爸爸特登揀左本寓言故事書，希望透過故事的情節讓BB知道要做個善良和有責任感的人！ 

==============================================

BB，你的東西全部都係小小的，超級可愛呀！ 

==============================================

一日食足6餐，好似食極都唔夠飽咁！ 

==============================================

懷孕後不停加入大大小小的媽媽會，除左想知道BB產品的最新優惠外，更吸引的係可以聽免費產前講座和超級豐富的入會禮物！雖然拎左番黎唔知用唔用得著，但婆仔心態就係唔放過可以拎任何免費贈品的機會，哈哈！ 

==============================================

成個孕期都訓得唔好，晚晚醒幾次要去廁所，之後就訓唔番，嚴重失眠！ 

==============================================

去到懷孕的中後期，每次出街都要好留意廁所的位置，因為真係好重要！ 

==============================================

剛開始非常享受胎動的感覺，但隨著BB在肚子裡漸漸長大，佢的力大到可以踢到我大叫和標眼水！老公見到肚皮的起落幅度都話好誇張，仲大讚仔仔好腳力囉！

==============================================

踏入孕晚期，開始為BB佈置小床和洗衣服，辛苦爸爸和外婆了！

==============================================

懷胎數月，好多謝上天賜我一個咁珍貴的人生經歷！由現在開始我倆的世界將會變得更美好、更幸福。

多謝你，我親愛的孩子，多謝你的到來、多謝你選擇了我們做你的父母！

你不需要跑贏別人，爸媽只希望你能夠健康幸福快樂，在一個充滿愛和溫暖的環境中成長就可以了，我愛你！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos：安妮媽媽親子日記

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！