【胸部下垂】餵母乳令人擔心胸部會變形？3個改善方法拯救胸部（人奶媽必看！）

以前我都唔明白點解我媽咪會同我講「餵人奶個胸會The到去肚臍⋯」而家我深深明白到！我餵咗人奶差唔多兩年，依家個胸基本上真係好似一個漏咗氣嘅氣球（不過我無後悔！）

有時着衫會發覺個胸真係下垂得好嚴重，所以我的起心肝搵咗好多唔同嘅方法，希望可以提升返個胸！

（睇返先知咁The=.=）

餵BB頭半年真係好緊張，上網見到好多人話餵緊人奶唔可以着啲有鋼圈嘅胸圍，因為太緊會導致收奶>< 所以一直無去處理⋯只係戴啲網上買嘅哺乳胸圍。但我發現其實哺乳胸圍係完全無承托力，當個胸儲左奶之後越嚟越重，下垂嘅問題就會越嚟越嚴重！以下呢三個方法都係我真心覺得有用！（絕對唔係賣廣告！）希望各位媽媽都可以重拾自信！

1.戴矯形胸圍

我所講嘅矯形胸圍，並唔係有鋼線、鋼圈嗰一種，因為嗰種實在太壓迫！我依家戴緊嗰一種係冇鋼圈嘅，但同時都可以做到提升同矯形嘅效果！我幫襯咗差唔多半年，價錢實惠（唔係坊間啲大牌子咁貴，所以係好平好平），款式都好多，最重要嘅係着完之後即刻提升咗。依家就算除低都冇以前下垂得咁緊要！我諗如果自己可以早啲的起心肝搵嚟戴，應該可以減低下垂機會⋯⋯（仲餵緊人奶嘅媽媽可以加長個扣，上奶個陣可以扣鬆啲）

2. 利用地心吸力

相信大家都知道平時企得多，因為地心吸力嘅影響，個胸都會好自然向下。所以我哋要利用反地心吸力嘅原理，有時候可以做一啲類似倒立嘅動作或者瑜伽嘅down dog pose，都可以令到個胸部向前左，hold一陣間利用地心吸引力吸返個胸向上，慢慢都可以令個胸提升返！

（網上示範圖）

3. 用啲胸部產品

係同事喺我生嘅時候送俾我嘅胸部緊緻提升啫喱，我都係近呢一兩個月先拆出黎用。雖然唔知呢個產品係咪幫到手（因為我上兩個steps都有做）但我覺得用左一排，都真係好似有緊緻咗嘅感覺！同埋最主要係幫個胸做返按摩，打圈咁邊搽邊推高，整返靚個shape。

希望今次可以幫到各位人奶媽媽拯救漏咗氣嘅氣球！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos：90後P牌媽咪

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄