【親子餐廳】平食放電之選｜大人嘆半自助午餐 小朋友公園放電

而家4歲半嘅和牛B，喺選擇餐廳方面，我哋就會考慮到小朋友嘅需要。

小朋友坐唔定，如果餐廳可以配合玩樂絕對係首選。
今次我哋就揀咗去油塘呢間社企餐廳到嘆午餐，呢間餐廳對出就有公眾嘅兒童遊樂場。
所以我哋可以邊用餐，邊睇住和牛B去公園玩。

當日天氣超好，唔凍！所以可以選擇到餐廳戶外嘅座位用餐。

^ 餐廳亦設有室內座位

呢到係社企餐廳，所以餐廳嘅侍應大多以老人家為主。

^ 睇完餐牌，可以直接於點餐紙寫上，再到收銀處落單，呢到係食完先俾錢嘅。

餐廳為半自助餐形式，食物以中式為主，選擇亦都好多。
但當然啦～價錢唔算太貴，所以唔可以對自助區抱太大期望哦。

【餐牌】

另有其他精美小碟菜式

亦有專為小朋友而設嘅健康小碟

半自助午餐仲有白飯係任添、沙律吧（有粟米、車厘茄、芽菜等）、保健素湯、健康飲品、即磨咖啡任飲。

超鍾意自助餐文化嘅小朋友，可以好開心咁去自助沙律吧到取食物～

另有其他付費飲品。

^ 手拍青瓜 $18
味道方面真係超酸呀～不過好開胃！！

^ 古洞天然醬油雞 $68
個人覺得係好味呀～唔會太咸，大人細路都啱食。

^ 有機柑桔醬烤骨 $78
酸酸地，柑桔醬嘅味道好似梅子味，唔錯～

^ 是日素菜湯味道都唔錯，好清甜。

食飽之後就可以去放電啦～

餐廳旁邊嘅公眾兒童遊樂場係大船造型，有滑梯、攀爬繩網。

^ 搖搖組，和牛B話係鞦韆

^ 滑梯組

^ 攀爬繩網

^ 另有三組不同高低波浪型嘅小橋

^ 休憩、影相嘅花園隧道

^ 必影靚位！

^ 青蛀石像

^ 餐廳及公園旁邊仲有洗手間，非常方便！

^ 仲有海景一覽無遺

【銀杏館 婆婆廚房@油塘】

地址：油塘高超道38號大本型空中花園R01號舖
營業時間：
星期一至五 11:30am - 3pm / 6pm - 10pm
星期六至日 11:30am - 10pm
電話：26631998

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos：和牛B的成長日記

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！