【放電玩樂】超放電公園｜魚仔滑梯、人工湖、兒童樂土

今日嚟到新界西區嘅一個小朋友樂土 — 「天水圍公園」！公園超大～兒童遊樂區有兩大個：一個近輕鐵銀座站，另一個近輕鐵天瑞站。

首先我哋先嚟到近銀座站嘅兒童遊樂區，呢到分成好幾個園區：有幼兒鞦韆、小迷宮、滑梯、攀爬架。

^ 小迷宮：所有圍板都係小遊戲同埋適合幼兒學習嘅

^ 幼兒鞦韆

^ 小童版攀爬架：呢個高度剛好適合和牛B玩~

此遊戲組有2條滑梯～

再嚟到旁邊劃分多個嘅小園區，每個區都有唔同設施，適合幼兒同兒童玩。唔少鍛練身手，平衡力嘅遊戲～

^ 平衡木配上搖擺功能

^ 平衡木遊戲

^ 適合幼兒嘅遊戲小區

^ 屋形嘅小攀爬牆

^ 幼兒玩樂區

^ 發現兒時嘅 BB版「馬騮架」，亦有模仿駕火車嘅遊戲板～

^ 遊戲板設計讓小朋友可以更投入扮演車長嘅角色～

^ 搖搖馬

^ 一組較小型嘅玩樂設施

而此區有較高身嘅滑梯、攀爬式樓梯，可鍛練身手同膽量。

^ 旋轉嘅滑梯

^ 另一邊嘅滑梯組

^ 超考身手同膽量嘅，攀爬式樓梯（都幾高的，家長要陪同小兒玩樂哦）

遊戲組配上唔同顏色，影相都好靚呀～

玩完所有區，我哋就前往近輕鐵天瑞站嘅遊戲區，沿途會見到大噴水池。

廣場空間超闊落~

另外仲會經過人工湖，人工湖內設有遙控船區，可以帶遙控船去玩。

終於見到個公園啦，呢邊兒童遊樂場園區超級大，入面分有3組兒童遊樂設施。

大到唔知由邊到開始玩起，當中有一大組玩樂設施，由多條天橋斜板通往各個小遊戲區。

^ 公園另一邊嘅設施

最特別一定係呢條橙色魚仔滑梯。

我形容為要先喺魚尾踩住魚骨，再俾條魚嘔返出嚟。

仲有三段式滑梯

另外，較適合幼兒嘅兒童遊樂設施。
設計好似一架船仔咁，有滑梯、繩網。

另一適合3歲以上嘅小童遊玩嘅遊戲組，由上至下都有得玩。

呢到公園真係超大，小朋友都玩到唔捨得走呀！

【天水圍公園】
地址: 元朗天水圍天瑞路六號

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text & Photos：和牛B的成長日記

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！