【親子玩樂】集「懷舊茶座 x 任玩機動遊戲」於一身的放電好地區

By Alfred成長日記 on 15 Oct 2019

分享Alfred的成長軼事、幼兒食譜、親子玩樂、購物情報、旅遊資訊、好物介紹等。以及，Alfred媽作為母親的體會、學習與得著。Facebook: https://m.facebook.com/AllAboutAlfred/

話說，之前嚟過好幾次MegaBox 9樓嘅「九五茶座放宮樂園」都好想入去睇下。今次就趁爸爸早收工，就入去玩下先。入到去，職員先介紹咗一個「電子動感遊樂祭」又食又玩家庭門票比我地，一個價錢可以又食又玩，包括有：九五茶座精選套餐 + 遊戲卡一張（可以一小時任玩區內所有遊戲） + 50個遊戲幣。個人覺得都幾抵玩。

由於佢地餐廳暫定係收下午6:00，所以爸爸話早啲食，食飽飽先去玩～九五茶座以懷舊港式冰室，大玩香港情懷主題，餐廳仲特別還原舊時場景同放咗唔同擺設，喺我地等嘢食嚟之前，我地都同Alfred 影咗唔小打卡相。

▲大玩香港情懷主題

▲懷舊擺設

▲餐單
我地買咗嘅又食又玩家庭門票係包埋九五茶座入面嘅精選套餐，套餐有指定食品，包括有：至尊焗肉醬意粉／飯、公司三文治及飛機小食拼盤（有雞翼、薯條、春卷、吞拿魚三文治），味道唔錯之餘，一家三口食，份量都足夠！

食飽飽後，Alfred就急不及待想要去玩了⋯九五茶座另一邊係「電子動感遊樂祭」場地，場內有多部新款嘅遊戲機進駐，我地張家庭門票已包一小時任玩遊戲卡一張。雖然一小時感覺好似好短咁，但其實出去玩呢啲機動遊戲，每玩一次都係幾十秒至分零鐘左右，所以我地覺得一小時任玩，真係夠曬。而且我地一小時經已玩曬場內所有遊戲，Alfred甚至Encore 咗好幾種遊戲添！