大麻禍害知多少?父母必學溝通法+實用資訊

大麻禍害知多少?父母必學溝通法+實用資訊

健康資訊
By Isabella on 27 Oct 2019
Editor

根據禁毒處藥物濫用資料中央檔案室2019年上半年的統計數字顯示,吸食大麻的21歲以下青少年人數有持續上升的趨勢。為人父母,假如子女一旦染上吸食大麻的惡習,應如何處理?

 

要從根本解決問題,父母應該先了解青少年吸食大麻的原因、禍害,以及求助的方法。今次MamiDaily就請來禁毒常務委員會委員、香港青年協會「青年違法防治中心」業務總監陳文浩先生,為家長提供實用資訊。

 

禁毒常務委員會委員陳文浩提醒家長要與子女保持良好溝通,才能避免他們染上吸食大麻的惡習。

 

吸食大麻特徵要留意

大麻是毒品,一般指弄乾了的大麻花或大麻葉,以及大麻樹脂(亦稱「大麻精」)。最常見是以捲煙吸食,亦有人會用煙斗/水煙壺去吸食大麻,甚至以電子煙加入大麻油去吸食。

 

陳文浩提到:「根據經驗,父母其實可以從日常生活察覺到仔女有冇可能染上吸食大麻嘅惡習。喺外表特徵上,大部分人吸食大麻後身上會散發出一陣濃烈氣味,而呢種氣味比香煙、雪茄更明顯。有個案吸食者雙眼會變到好紅,眼神散渙,更可能會突然暴飲暴食。心情上亦可能明顯變得大起大落,同做出奇怪行為,例如突然哭叫或自言自語。」

 

「大麻吸食者嘅隨身物品或家中亦會多咗一啲吸食工具,例如捲煙紙同水煙壺,有啲吸食者認為吸食大麻係一種享受生活嘅態度,所以佢哋嘅服飾打扮上亦可能多咗大麻圖案。父母可以响呢啲生活細節多加留意。」

Unsplash
Photo from Unsplash

大麻吸食者大多會利用製作捲煙的用具捲製大麻煙,包括吸煙過濾嘴和捲煙紙。

MamiDaily
Photo from MamiDaily

吸食者亦會使用煙草研磨器以磨碎大麻草製作捲煙。


全面認識大麻 消除誤解

陳文浩指出,網絡世界有大量推銷大麻的資訊,加上有國家/地區實施休閒用大麻合法化,並以亮麗的包裝推銷含有大麻成分的產品,例如糖果、朱古力和飲品等吸引消費者,令青少年忽略了吸食大麻會引致上癮的問題。家長可以嘗試協助子女全面了解大麻的禍害,以提高青少年對大麻的戒心。他們可以用耳濡目染的方法向子女解釋「吸食大麻係一種潮流」的概念是絕對錯誤。醫學界亦已證明吸食大麻會引致上癮和其他副作用,例如集中力減弱、記憶力及判斷力受損,亦可能令吸食者對其他事物失去興趣,產生焦慮、抑鬱、幻覺,以及容易變得激動和脾氣暴躁。青少年吸食大麻更有機會阻礙心智發育,從而影響日常生活。

 

陳文浩也提到,在香港,根據《危險藥物條例》,販運、非法管有或吸食大麻,都屬於嚴重刑事罪行。家長應提醒子女切勿在外遊後把含有大麻成分的產品帶回香港,以免觸犯法律。

 

Narcotics Division, Security Bureau
Photo from Government

在海外購物時,要注意產品的包裝和標籤,不要把含有大麻成分的商品帶回香港。

 

「除咗禁毒處提供嘅資訊,社區上都有好多專業嘅機構可以幫助家長由唔同途徑了解更多禁毒資訊,同仔女一齊了解大麻同其他毒品嘅禍害,從而加強青少年拒絕毒品嘅決心。後生仔都好精明,如果佢哋明白到吸食大麻對身體有咁多害處,一定會拒絕大麻嘅引誘。」

 

假若懷疑仔女有吸食大麻的問題,父母又應該如何面對呢?陳文浩提醒家長們:「首要係控制好自己嘅情緒,千祈唔好先入為主就責罵仔女,因為咁樣只會閂咗溝通嘅大門。父母要一步一步去關心仔女,令佢哋明白到父母嘅擔心,進一步傾下,讓子女明白到使用大麻或者其他毒品嘅禍害。」

 

陳文浩補充:「家長們如果無法同子女坐低傾,亦可以尋求專業人士,例如社工協助、透過禁毒處二十四小時電話熱線186 186,或發短訊到Whatsapp/微信98 186 186求助。」

 

作為父母,一定要與子女保持良好的溝通,嘗試從對方的角度出發,多聆聽他們的想法,很多問題都會迎刃而解。

Unsplash
Photo from Unsplash

家長可先了解有關青少年吸食大麻的原因和禍害,才能提供正確禁毒資訊,助子女遠離大麻和其他毒品。

Unsplash
Photo from Unsplash

近年有國家/地區實施休閒用大麻合法化,並推出含有大麻成分的食物、飲品或產品,令青少年誤以為吸食大麻是一種潮流,忽略了當中的禍害。

 

求助/諮詢

24 小時禁毒電話服務:186 186
WhatsApp 及微信即時通訊服務:98 186 186

🤱🏻 追蹤我們的 Instagrammamidaily.hk看更多育兒教育資訊

🔔 訂閱MamiDaily 親子日常 YouTube頻道

Share to Facebook
Our Facebook Videos
我們的 Facebook 影片
You may also like
你可能也喜歡
【過敏性鼻炎徵狀】動不動就鼻子發癢噴嚏不停? 5大誘因要避免!附2防鼻敏感食譜!
健康資訊
a day ago
【過敏性鼻炎徵狀】動不動就鼻子發癢噴嚏不停? 5大誘因要避免!附2防鼻敏感食譜!
【寶寶頭型】新手媽嫌B女頭型又扁又寬很難看 不顧反對訂製矯正頭盔日戴23小時
健康資訊
3 days ago
【寶寶頭型】新手媽嫌B女頭型又扁又寬很難看 不顧反對訂製矯正頭盔日戴23小時
【兒童發展遲緩】13徵狀助評估兒童發展進度 3歲黃金治療期預防惡化促進發展
兒童健康
5 days ago
【兒童發展遲緩】13徵狀助評估兒童發展進度 3歲黃金治療期預防惡化促進發展
【消委會糊仔測試】17款嬰幼兒穀類食品逾8成含微量重金屬鎘! 1款有機米糊含砒霜?
健康資訊
5 days ago
【消委會糊仔測試】17款嬰幼兒穀類食品逾8成含微量重金屬鎘! 1款有機米糊含砒霜?
腦膜炎雙球菌會「燒壞腦」? 近年個案有上升趨勢 家長必知6大病徵
健康資訊
6 days ago
腦膜炎雙球菌會「燒壞腦」? 近年個案有上升趨勢 家長必知6大病徵
【消委會餅乾測試】60款餅乾全含基因致癌物! 8成半屬高脂、高糖、高鈉!
健康資訊
6 days ago
【消委會餅乾測試】60款餅乾全含基因致癌物! 8成半屬高脂、高糖、高鈉!
Hottest Articles
最熱文章
【婚前檢查】甜蜜戀人拍拖3年準備結婚 婚前驚悉1事決定忍痛分手
家庭關係
3 days ago
【婚前檢查】甜蜜戀人拍拖3年準備結婚 婚前驚悉1事決定忍痛分手
【夫妻關係】只會陪玩總愛卸責!想認真傾談卻敷衍回應 媽媽最受不了老公的4件事
家庭關係
3 days ago
【夫妻關係】只會陪玩總愛卸責!想認真傾談卻敷衍回應 媽媽最受不了老公的4件事
【渣男老公】坐月餐被奶奶吃掉只留剩飯剩菜 老婆啞忍多時提離婚老公先識驚
家庭關係
2 days ago
【渣男老公】坐月餐被奶奶吃掉只留剩飯剩菜 老婆啞忍多時提離婚老公先識驚
【虛驚一場】5歲男童打緊急熱線叫開心樂園餐 警員機警上門調查揭爆笑內幕
mami熱話
a day ago
【虛驚一場】5歲男童打緊急熱線叫開心樂園餐 警員機警上門調查揭爆笑內幕
【BB英文名】港家長把仔女命名為Latte和Mocha 網民:好似叫仔女做旺財咁實畀人笑
mami熱話
2 days ago
【BB英文名】港家長把仔女命名為Latte和Mocha 網民:好似叫仔女做旺財咁實畀人笑
【殘忍父親】年輕爸爸打機輸了被網上玩家嘲笑 狠父狂搖5個月大B女洩憤
mami熱話
2 days ago
【殘忍父親】年輕爸爸打機輸了被網上玩家嘲笑 狠父狂搖5個月大B女洩憤