【幼稚園面試】幼稚園面試小貼士及大忌

唔同學校嘅面試內容不一，但形式都係好類近，主要分為個人或小組面試。

無論邊種類型嘅面試，禮儀都係最緊要！禮儀係最緊要！！禮儀係最緊要！！！(重要嘅嘢要講3次）

所以家長同小朋友記住要主動同學校職員打招呼。

「早晨」、「午安」、「你好」、「再見」，雖然好簡單，但係非常重要，係面試嘅攞分位。

Photo from MamiDaily

重要TIPS

1.打招呼：由而家開始同小朋友出街習慣同陌生人打招呼，例如：大廈看更、街坊、超市姨姨等，甚至可以同司機叔叔講Hello、揮手

2.收拾物品：訓練小朋友將玩過、用過嘅物件執拾好，因為通常面試前老師都會比玩具佢地玩。如果可以好主動咁收拾好，肯定俾老師留下個好印象

3.推櫈：記住要將櫈子泊回原位，呢個係大人、小朋友都應該做到

4.眼神接觸：提醒小朋友同人傾計時要望住對方眼睛。有啲小朋友唔鐘意望住人哋對眼講嘢，可以叫佢哋對回答時望住對方個鼻，以應付面試

5.禮多人不怪：提醒小朋友無論接過對方什麼，都記著講「唔該」／「多謝」，呢啲都係待人接物嘅基本禮貌，應由平日做起

6.對名字嘅反應：比起乳名 (妹妹／豬豬⋯)，平日在家開始以全名叫小朋友，等佢哋對自己嘅名有更快反應

除咗小朋友本身，家長本身都要為面試預備一下。

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

Text：揚揚媽媽

Photos：揚揚媽媽 , MamiDaily

【誠徵Bloggers！】想分享你的懷孕及育兒日常？請將投稿連同約40字個人簡介和近照一張，電郵到： [email protected]，我們會幫你開設個人專欄，文章經編輯部潤飾後更有機會刊登在FB專頁，快點踴躍投稿吧！